Aımaqtar • 01 Maýsym, 2020

Oralda úsh adam jasandy tynys alý apparatyna qosylǵan

92 ret kórsetildi

Batys Qazaqstan oblysynda ótken senbi men jeksenbi kúnderi koronavırýs indetin 85 adam juqtyrǵan. Osylaısha aýyrǵandardyń jalpy sany 665 adamǵa jetti.

Batys Qazaqstan oblystyq densaýlyq saqtaý basqarmasynyń basshysy Bolatbek Kaıýpov jýrnalısterge Oral qalasynda koronavırýstan qaıtys bolǵan azamat týraly tolyǵyraq aıtyp berdi. Bolatbek Amangeldiulynyń aıtýynsha, naýqas aýrýy týraly dárigerlerge der kezinde habarlamaı, asqyndyryp alǵan.

- Naýqas 10 mamyrdan bastap medısına qyzmetkerleriniń baqylaýynda úı karantıninde boldy. Iаǵnı kún saıyn arnaıy bekitilgen emhana dárigeri oǵan habarlasyp, jalpy jaǵdaıyn bilip, dene qyzýyn jazyp otyrdy. 10 mamyrdan bastap naýqastyń tamaǵy qyshyp, álsizdik baıqalǵan. Tábeti tómendegen. Biraq ol osy belgilerdi dárigerge aıtpaǵan, medısınalyq kómekke júginbegen. Kún saıyn qońyraý shalǵan medısına qyzmetkerlerine jaǵdaıyn aıtpaǵan. Osylaısha 10 kún ýaqyt joǵaltqan. Tek 19 mamyr kúni júrip-turǵanda aýa jetpeı entigip, tósekten tura almaıtyndaı álsizdik paıda bolǵan kezde ǵana jedel-járdem shaqyrtqan, - deıdi dáriger.

Búgin Oral qalasyna kirer joldardaǵy blok-beketter alyndy. Halyqtyń ári-beri júrisi kóbeıetini anyq. Sondyqtan mamandar saqtyq sharalaryn saqtap, jeke medısınalyq qorǵanysh quraldaryn tastamaı júrýge shaqyrýda.

Qazirgi ýaqytta Batys Qazaqstan oblystyq juqpaly aýrýlar aýrýhanasynda úsh adam aýyr jaǵdaıda ókpeni jasandy jeldetý apparatyna jalǵanǵan. Bul naýqastyń biri – 79 jasta, biri – 68-de, al endi biri jas bala eken.

Jalpy óńir boıynsha ınfeksııalyq stasıonarǵa 665 pasıent kelip túsken, onyń 30-y – balalar.

- Búgingi málimet boıynsha stasıonarlyq emdelýde – 300 pasıent jatyr. Onyń ishinde 12 bala bar. Naýqastardyń 135-i – koronavırýstyń sımptomsyz túrimen aýyrǵan. 104 naýqasta aýrý jeńil ótýde. 57 naýqastyń jaǵdaıy ortasha, al tórteýiniń jaǵdaıy aýyr, - deıdi Bolatbek Kaıýpov.

 

Batys Qazaqstan

Sońǵy jańalyqtar

Atyraýda 32 otbasy jańa páterge kóshti

Aımaqtar • Búgin, 19:41

Nashaqorlarǵa qarsy kúres toqtamaıdy

Aımaqtar • Búgin, 18:14

"Bek Eır" AQ-na ekinshi sot isi qozǵaldy

Qazaqstan • Búgin, 16:37

WhatsApp-ta jańa fýnksııalar paıda bolady

Tehnologııa • Búgin, 16:20

Jumys sapasy udaıy baqylaýda bolady

Aımaqtar • Búgin, 16:17

Almaty mańynda jer silkindi

Aımaqtar • Búgin, 16:10

Shıkizattyq emes eksport tómendedi

Aımaqtar • Búgin, 15:46

Bıyl Qurban aıt qalaı ótedi?

Qazaqstan • Búgin, 10:17

COVID-19: Jerleý qalaı júrip jatyr?

Qazaqstan • Búgin, 09:39

Toıdy ysyra turǵan jón

Qoǵam • Búgin, 08:39

Shekteýler otandastarymyzǵa oı salsa...

Medısına • Búgin, 08:36

Basty qundylyq – adam ómiri

Qoǵam • Búgin, 08:23

Uqsas jańalyqtar