Aımaqtar • 01 Maýsym, 2020

«QazMunaıGaz» óndiristegi qyzmetkerlerdi qysqartpaıdy

28 ret kórsetildi

«QazMunaıGaz» UK AQ Basqarma tóraǵasy Alık Aıdarbaev jumys saparymen Atyraý jáne Mańǵystaý oblystaryna bardy. Bul týraly kompanııanyń jurtshylyqpen baılanys departamenti habarlady.

Sapar barysynda Alık Aıdarbaev qos óńirdiń basshylarymen kezdesti. Atyraý oblysynyń ákimi Mahambet Dosmuhambetovpen COVID-19 indetiniń taralýyna baılanysty Teńiz ken ornyndaǵy jaǵdaı talqylandy. Al Mańǵystaý oblysynyń ákimi Serikbaı Trumovpen kezdesýde Kompanııanyń óndirýshi kásiporyndaryndaǵy vahtalyq aýysymdy uıymdastyrý máseleleri qaraldy.

QMG basshysy jumys sapary barysynda enshiles kásiporyndar, servıstik kompanııalar basshylary jáne kásipodaq uıymdarynyń tóraǵalarymen de jınalys ótkizdi. О́z sózinde Alık Aıdarbaev indettiń aldyn alý boıynsha qabyldanyp jatqan sharalardyń arqasynda ken oryndardaǵy jaǵdaı turaqty ekenin atap ótti. Sonymen qatar, óndiris oryndarynda aldyn alý sharalaryn ári qaraı qatań saqtaýdy tapsyrdy.

- Koronavırýs ınfeksııasynyń taralýyn boldyrmaý boıynsha jumysty jalǵastyryp, aldyn alý sharalaryn qatań saqtaý mańyzdy. Bul – barlyq deńgeıdegi basshylarǵa jaýapkershilik júkteıdi», – dedi Alık Aıdarbaev.

QMG basshysy Kompanııanyń qarjylyq jaı-kúıine de toqtalyp ketti. Naryqtyq jaǵdaıdyń teris áserin azaıtý úshin «QazMunaıGaz» daǵdarysqa qarsy baǵdarlamanyń tujyrymdamasyn ázirledi.

- Qazir jaǵdaı kúrdeli. Kompanııany saqtap qalý úshin tıimdi sharalar qabyldaý qajet. Biz qarjylyq jaǵdaıdy turaqtandyrýǵa, shyǵyndy tómendegen kiriske sáıkes keltirýge jáne daǵdarystan keıingi kezeńge daıyndyqqa baǵyttalǵan daǵdarysqa qarsy baǵdarlamanyń tujyrymdamasyn ázirledik, - dep atap ótti QMG basshysy.

Iske asyrylyp jatqan daǵdarysqa qarsy sharalar aıasynda barlyq kompanııalar toby boıynsha shyǵyn 146 mlrd teńgege qysqartyldy. Ortalyq apparattyń uıymdyq qurylymy qaıta qaralyp, qyzmetkerler sany 34%-ǵa ońtaılandyryldy. Top-menedjerlerdiń jalaqysy 30%-ǵa, orta býyn basshylarynyń jalaqysy 20%-ǵa qysqardy. Sondaı-aq jyl sońyna deıin barlyq syıaqy men bonýstar alynyp tastaldy. Degenmen, qatardaǵy qyzmetkerlerdiń jalaqysy burynǵy deńgeıde saqtaldy. Buǵan qosa Ortalyq apparatta basshylarǵa arnalǵan qyzmettik kólikten bas tartyldy.

- Enshiles uıymdar týraly aıtatyn bolsaq, óndiris pen qyzmetkerlerdi jumyspen qamtylýyna qatysy joq barlyq shyǵyndar qysqartyldy. Jaǵdaıǵa qaraı  taǵy qandaı shyǵyndardy azaıtýǵa bolatynyn aldaǵy ýaqytta kóre jatarmyz. О́ndiristegi qyzmetkerlerdi qysqartý josparymyzda joq. Basty mindetimiz – jumys oryndaryn saqtap qalý. Birlese otyryp, qıyndyqty eńseretinimizge senimdimin, - dedi Alık Aıdarbaev.

«QazMunaıGaz» UK AQ Basqarma tóraǵasy Alık Aıdarbaev enshiles kásiporyndardyń basshylaryna joldaǵan úndeýinde qýat kózderine suranystyń jáne munaıǵa álemdik baǵanyń tómendeýi Kompanııaǵa qalaı áser etetinin aıtyp berdi. Onyń aıtýynsha, jyldyń qorytyndysy boıynsha QMG qarjylyq kórsetkishteri edáýir tómendeıdi dep kútiledi. Budan basqa, OPEK+ kelisimi aıasynda kompanııa óndiristi azaıtady, bul merdigerlik uıymdardyń tıisti jumys kóleminiń azaıýyna ákeledi.

- Sondyqtan enshiles jáne servıstik kompanııalardyń basshylary qalǵan jumys kólemin jyl sońyna deıin tıimdi úlestirýleri qajet. Múmkin jumys kestesin ózgertýge týra keledi. Osy máseleni jergilikti deńgeıde áli de muqııat pysyqtaýymyz kerek. Biraq taǵy da qaıtalap aıtamyn, barlyq óndiristik qyzmetkerlerdiń jumys oryndary saqtalýy tıis, - dep tapsyrdy QMG basshysy.

Atyraý oblysyna sapary barysynda QMG basshysy biriktirilgen gaz-hımııalyq kesheni qurylysynyń barysymen de tanysty. Qazirgi kezde jobanyń daıyndyǵy 66%- dy quraıdy. Jalpy qurylys jumystary aıaqtalyp qaldy. Syıymdylyq jáne jylý almastyrý jabdyǵynyń, metall konstrýksııalardyń jáne qubyrlardyń montajy júrgizilýde. Aldaǵy kezeńde kúrdeli tehnologııalyq jabdyqtyń qubyrlaryn jınaqtaý, montajdaý jáne bekitý jumystaryn bastaý josparlanyp otyr. Sondaı-aq Alık Aıdarbaev Atyraý ózen portyna baryp, onda Ońtústik Koreıada jasalǵan asa mańyzdy óte aýqymdy jabdyqtyń teńiz kóligimen jetkizý barysymen tanysty.

Sońǵy jańalyqtar

Rýlge ıe bola almaı qaldy

Aımaqtar • Búgin, 09:52

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Uqsas jańalyqtar