Aımaqtar • 01 Maýsym, 2020

«Otbasy keńesi» arqyly ajyrasý kórsetkishi tómendegen

20 ret kórsetildi

Bul jóninde búgin Shymkent qalasynyń ákimi M.Áıtenovtiń tóraǵalyǵymen ótken jıynda Otbasy, balalar jáne jastar isteri jónindegi basqarmanyń basshysy J.Qaltaev baıandady.

Onyń aıtýynsha, respýblıkada alǵash bolyp ajyrasýdyń aldyn alý maqsatynda Abaı aýdandyq sotynyń bazasynda «Otbasy keńesi» jumys toby qurylyp, nátıjesinde ajyrasýǵa ótinim bergen azamattardyń 47 paıyzynyń otbasy saqtalyp qalǵan.

«Keńestiń 46 otyrysy uıymdastyrylyp, ajyrasýǵa nıet bildirgen 412 otbasynyń máselesi qaraldy. Sonyń ishinde 154 jup medıasııa ádisimen tatýlastyrylyp, 47 azamattyń neke buzý boıynsha usynǵan talap-aryzy keri qaıtaryldy. Jobany aǵymdaǵy jyly 4 aýdanǵa da engizýdi kózdep otyrmyz», - dedi basqarma basshysy. 

Basqarma basshysy Shymkent qalasynda ótken jyly 108 bala baspanamen qamtylyp, respýblıka boıynsha alǵashqy úshtikke engenin atap ótti. Al, bıyl 48 jetim bala baspanamen qamtylǵan. 46 tárbıelenýshi túlek joǵary jáne orta arnaýly oqý oryndarynda tegin bilim alyp jatqanyn málimdedi.

Memleket basshysy Qasym-Jomart Toqaevtyń bastamasymen 2020 jyl Volonter jyly dep jarııalanýyna oraı, qalada «Shymkent volonterlar qaýymdastyǵy» qurylǵan. Olarmen «Janǵa jylý» qaıyrymdylyq aksııasy uıymdastyrylyp, 12 245 áleýmettik jaǵdaıy tómen otbasylar men qarııalarǵa turmysqa qajetti azyq-túlik sebeti úlestirilip, 333 otbasyǵa qajetti dári-dármek jetkizilgen. Sondaı-aq pandemııa kezinde polısııa saqshylaryna kómekke, Maqtaaraldaǵy sý apatynda zardap shekkkenderge kómek kórsetý kezine de volonterlar jumyldyrylǵan.  Bankterde sanıtarııalyq normalardy saqtaýǵa kómektesip, bank basshylyǵy tarapynan joǵary baǵaǵa ıe bolǵan.

Jıyndy qorytyndylaǵan Murat Dúısenbekuly: «Memlekettiń negizgi tiregi – otbasy. Árbir azamat otbasynyń qunyn da, qundylyǵyn da tereń sezinýi tıis. Ony saqtap qalý men jetildirýdiń memleket usynǵan múmkindikterin paıdalana bilýi qajet. Osy baǵyttaǵy jumystardy keńinen nasıhattaýdy tapsyramyn», - dedi. 

Sonymen qatar qala ákimi qaýipti dert jaılaǵan qysyltaıań shaqta erikti túrde qaýipke qaraı qadam basqan volonterlar eńbegin erekshe baǵalady.

Sońǵy jańalyqtar

Qaıyrymdylyǵyńnyń saýabyn bersin...

Aımaqtar • Búgin, 14:23

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar