Aımaqtar • 01 Maýsym, 2020

Mańǵystaýda «Bastaý-bıznes» oqytý kýrsy bastalady

47 ret kórsetildi

Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysy «Atameken» kásipkerler palatasynyń bólim basshysy Amanat Mahmýtov málimdedi.

Jumyssyz azamattarǵa qoldaý kórsetý maqsatynda bıyl «Eńbek» baǵdarlamasy boıynsha Mańǵystaý oblysyna 640 qaıtarymsyz grant bólindi. Oqýǵa kópbalaly otbasy nemese az qamtylǵan januıa músheleri, oralmandar, múmkindigi shekteýli azamattar ( I, II top múgedekter). Bul azamattar kýrs oqymaı-aq tikeleı baǵdarlamaǵa qatysa alady. Al, jumyssyz azamattarǵa arnaıy oqý qajet.

Soǵan baılanysty oblysta «Bastaý bıznes» oqý granty 10 maýsym kúni bastalǵaly jatyr. Ony aldyn-ala jergilikti gazet, áleýmettik jelilerge jarııalandy. Oqýǵa tirkelý úshin aýdandyq, qalalyq turǵyndar jergilikti  jumyspen qamtý ortalyqtaryna habarlasyp joldama alýlary qajet. «Bastaý bıznes» boıynsha oqý aıaqtalǵannan keıin grantqa qatysýǵa nemese tómen paıyzdyq  shaǵyn nesıege alýǵa múmkindik bar. Atap aıtar bolsaq, aýyl sharýashylyǵy men mal sharýashylyǵyn qarjylaı qoldaý qory 78 aıǵa deıin 4 mln tg berip jatyr. Tigin sheberhanalary men avtokólik jýý ortalyqtaryna da 60 aıǵa 6 mln tg nesıe berilip otyr. Aıta keteıik, nesıe alatyn azamattyń mindetti túrde kepildigi bolý shart.

Sol sııaqty «Bıznestiń jol kartasy-2025» baǵdarlamasy boıynsha da tyń ıdeıalary bar kásipkerlerdi qoldaýǵa granttar qarastyrylǵan. Bıyl Mańǵystaý oblysynda granttardy kúzge salym berý josparda bar. Grant qory shamamen 2-5 mln tg aralyǵynda beriledi. О́tinish berý úshin azamattar jergilikti kásipkerlik bólimine barady. Bul grantqa barlyq kásipkerler qatysýǵa múddeli.

Sońǵy jańalyqtar

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Uqsas jańalyqtar