Qoǵam • 01 Maýsym, 2020

QyzPÝ mamandary balalarǵa psıhologııalyq keńes berdi

45 ret kórsetildi

Balalardy qorǵaýdyń halyqaralyq kúni qarsańynda Qazaq ulttyq qyzdar pedagogıkalyq ýnıversıtetiniń «Jan shýaǵy» psıhologııalyq ortalyǵynyń mamandary Almaty qalasyndaǵy balabaqsha tárbıelenýshilerimen psıhologııalyq trenıng pen vebınar ótkizdi.

Onlaın formatta uıymdastyrylǵan sharany Qyzdar ýnıversıtetiniń Áleýmettik damý jónindegi prorektory Jańagúl Sultanova ashyp, bul ataýly data eldiń bolashaǵy sanalatyn óskeleń urpaqtyń densaýlyǵy men qaýipsizdigine aǵa býyn jaýapty ekenin eske salatyn kún ekenin atap ótti.

– Qurmetti dostar! Barshańyzdy búgingi balalardy qorǵaýdyń halyqaralyq kúnimen quttyqtaımyn! Alashtyń aıtýly aqyny Maǵjan Jumabaev «Arystandaı aıbatty, jolbarystaı qaıratty, men jastarǵa senemin!» dep keıingi tolqynǵa úlken úmit artqan. Rasynda da memlekettiń keleshekte qandaı bolmaǵy jańa býynǵa tikeleı baılanysty ekendigi ras. Olardyń deni saý, bilimdi de bilikti, zııatkerlik áleýeti joǵary bolýy úlken mańyzǵa ıe. Qazaqstandaǵy mektepke deıingi bilim berý mekemeleri men oqý oryndary osy tarapta júıeli jumys istep jatyr. Ataýly kúnge oraı uıymdastyrylyp otyrǵan búgingi psıhologııalyq shara da osynyń bir kórinisi ispettes, – dedi Jańagúl Sultanova.

Vebınar barysynda «Jan shýaǵy» psıhologııalyq ortalyǵynyń mamandary «Dámeli» balabaqshasynyń qyzmetkerleri, tárbıelenýshileri men olardyń ata-analaryna «Balalardyń bos ýaqytyn tıimdi uıymdastyrý sharalary» taqyrybynda túrli jattyǵýlar jasap, aqyl-keńesterimen bólisti.

– Máselen, «Men kúlgendi unatamyn» oıyn jattyǵýy búldirshinderdiń qaıyrymdy, kóńil-kúıiniń jaqsy bolýyna septesedi. Atalǵan oıyn túrin kúnine birneshe ret qaıtalap kóńil-kúıdi kóterýge bolady. Kúlki – minez-qulyqtyń sıqyrly kilti. Adam kúlgende óz kóńiliniń kúıin tabady, densaýlyǵyn jaqsartady jáne aınalasyndaǵy adamdardyń ahýalyna da áser etedi, – deıdi psıhologııalyq ortalyq dırektory Kúlmash Elshibaeva.

Eki saǵatqa jýyq ýaqytqa sozylǵan shara sońynda atalǵan balabaqsha dırektory Gúlmıra Sahybaeva sóz alyp, osyndaı ıgilikti iske muryndyq bolǵany úshin Qazaq ulttyq qyzdar pedagogıkalyq ýnıversıtetiniń ujymyna alǵysyn bildirdi. Sonymen qatar ol aldaǵy ýaqytta da oqý ornynyń psıholog mamandarymen birlesip osy taqilettes mańyzdy jıyndardy turaqty ótkizip turýǵa nıetti ekendigin jetkizdi.

Aıta keteıik, ataýly datanyń 1925 jyly Shveısarııanyń Jeneva qalasynda ótken Balalardyń densaýlyǵy men beıbit ómir súrýi týraly álemdik konferensııada negizi qalanǵan. Halyqaralyq balalar kúniniń óziniń baıraǵy bar. О́simdi, úılesimdikti, balǵyndyq pen shuraılylyqty bildiretin jasyl tústi fonda kórsetilgen Jerdiń aınalasyna qyzyl, sary, kók jáne aq  stılızasııalanǵan músinder ornalastyrylǵan. Adamdardyń bul pishini alýandylyq pen tózimdilikti bildiredi. Ortaǵa ornalastyrylǵan Jerdiń belgisi – ortaq úıimizdiń sımvoly.

Sońǵy jańalyqtar

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar