Ekonomıka • 01 Maýsym, 2020

«Nobel AFF» fabrıkasy dári-dármek eksportyn ulǵaıtýdy josparlap otyr

16 ret kórsetildi

Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Onda atap kórsetilgenindeı, sońǵy jyldary otandyq farmasevtıka salasy aıtarlyqtaı damydy. Osydan 20-25 jyl buryn elimizde farmasevtıkalyq ónerkásipte ónimniń shekteýli túrin ǵana shyǵaratyn birneshe kásiporyn boldy. Budan bólek olardyń shyǵarǵan ónimderi halyqaralyq óndiristik tájirıbe standarttaryna saı kelmeıtin. Sondyqtan, dári-dármektiń basym bóligi  shetelderden jetkizildi. Osy máseleni sheshý úshin elimizde salany damytýdyń memlekettik baǵdarlamasy qabyldanyp, ınvestısııanyń kelýine yqpal etetin QR Úkimetiniń birqatar qaýlysy bekitildi. Kásiporyndar GMP standarttaryna sáıkes jańartyldy, al keı jaǵdaılarda jańa farmasevtıkalyq kásiporyndar salyndy. Salaǵa sheteldik ınvestorlar kelip, básekege qabiletti ónim shyǵarýdy maqsat etti. Osyndaı kásiporyndardyń biri - «Nobel Almaty farmasevtıkalyq fabrıkasy» AQ.

«Nobel Almaty farmasevtıkalyq fabrıkasy» Túrkııanyń  farmasevtıkalyq ındýstrııasy kóshbasshylarynyń biri Nobel Pharmaceuticals kompanııalar tobyna kiredi. NOBEL Pharmaceuticals daıyn dárilik zattardy emes, belsendi farmasevtıkalyq quramdardy, ıaǵnı dárilik zattardyń belsendi zattaryn óndiredi. Kompanııa qurylymynda zertteýler men ázirlemeler ortalyǵy da jumys isteıdi.

Qazaqstanda kásiporyn 2002 jyly Almaty farmasevtıka fabrıkasy bazasynda quryldy. Onyń qurylýy men damýyna 70 mıllıon AQSh dollarynan astam qarjy salyndy. GMP standarttaryna sáıkes óndiristik nysandardy tolyq qaıta qurý jáne jabdyqtaý júrgizildi. Sonymen qatar, zamanaýı jabdyqtarmen jabdyqtalǵan jańa sehtar quryldy. О́ndiristiń damýymen shyǵarylatyn ónimniń qatary de keńeıdi. Qazirgi ýaqytta «Nobel AFF» AQ otandyq dári-dármek óndirýshiler arasynda satý kólemi boıynsha ekinshi orynda tur. Kompanııa keń taralǵan, sondaı-aq sırek kezdesetin aýrýlardy, qaterli isikterdi emdeý úshin joǵary sapaly, ımportty almastyratyn 250 túrli dári-dármek shyǵarady.

«Nobel AFF» AQ - 2011 jyly ınspeksııadan tabysty ótip, GMP standartyna sáıkestik sertıfıkatyn alǵan alǵashqy otandyq kompanııa. Atalmysh ınspeksııa Dúnıejúzilik densaýlyq saqtaý uıymy sarapshylarynyń qatysýymen ótti. Sodan beri kompanııa Qazaqstan men basqa elderdiń retteýshi organdary ınspeksııalaryn, sondaı-aq transulttyq farmasevtıkalyq kompanııalardyń ınspeksııalaryn birneshe ret qabyldady. Olar keıinnen fabrıkada ózderiniń biregeı ınnovasııalyq dári-dármekteriniń kelisimsharttyq óndirisin ornalastyrǵan.

Búgingi tańda kásiporynnyń jobalyq qýattylyǵy jylyna 750 mln dári, 250 mln kapsýla, 20 mln qutylardaǵy shárbat jáne sýspenzııa, jylyna 10 mln týb kremder men geldi quraıdy. Kásiporynda fızıka-hımııalyq zertteýler, mıkrobıologııalyq jáne ishki óndiristik baqylaý zerthanalary jumys isteıdi. Olardyń barlyǵy ýákiletti memlekettik organdarmen halyqaralyq zerthanalyq tájirıbelerge sáıkes akkredıttelgen jáne eń ozyq jabdyqtarmen, ólsheý aspaptarymen jabdyqtalǵan. Sonymen qatar, barlyq daıyn ónim QR DSM «Dárilik zattardy, medısınalyq maqsattaǵy buıymdardy jáne medısınalyq tehnıkany saraptaý ulttyq ortalyǵy» ShJQ RMK memlekettik zerthanasynda baqylaýdan ótedi.

Sonymen qatar, «Nobel AFF» 2015 jyldan bastap Abbott Products Operations AG transulttyq farmasevtıkalyq kompanııasymen birlesip óte mańyzdy jáne qyzyqty jobany iske asyrýda. Kelisim shart boıynsha «Nobel AFF»AQ zaýytynda Abbott Products Operations AG kompanııasynyń «Fızıotenz ®» (moksonıdın) túpnusqalyq preparatyn eki dozada - 0,2 mg jáne 0,4 mg. shyǵarý jolǵa qoıylǵan. Preparat óndirisin iske qosý aldynda Abbott Products Operations AG tarapynan birneshe ınspeksııalyq aýdıtter bolyp, olar zaýyttaǵy óndiris sharttarynyń GMP standarttaryna sáıkestigin rastady. 2015 jyly tegin medısınalyq kómektiń kepildik berilgen kóleminiń qajettiligi úshin osy preparatty Qazaqstanǵa jetkizý bastalyp, keıin yntymaqtastyqty keńeıtý múmkindigi qarastyryldy.  Nátıjesinde Reseı naryǵy úshin «Fızıotenz ® « preparatyn óndirý týraly sheshim qabyldandy.

Dári-dármek óndirýshileri  úshin bıznesti damytýdyń mańyzdy baǵyty - ónimdi eksporttaý. Bul óndiristi keńeıtýge, jańa tehnologııalar transferin júzege asyrýǵa jáne jańa dárilerdi shyǵarýdy ıgerýge múmkindik beredi. Qazirgi ýaqytta otandyq zaýyt dári-dármekterdi Reseı, Qyrǵyzstan, О́zbekstan, Monǵolııa jáne Belarýs elderine eksporttaıdy. Kásiporyn óndirisiniń kóleminde eksporttalatyn ónimniń úlesi birtindep artyp keledi.

Búgingi tańda «Nobel AFF» AQ-da 500-den astam maman jumys isteıdi. Qazaqstannyń 7 óńirinde fılıaly ashyldy. Kompanııa aldaǵy ýaqytta jańa ónimder óndirisin ıgerýdi jáne sheteldik naryqqa baǵyttalǵan ónimder arttyrýdy josparlap otyr.

 

Sońǵy jańalyqtar

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar