Aımaqtar • 01 Maýsym, 2020

Tarazda turatyn múmkindigi shekteýli balalarǵa qoldaý kórsetilip jatyr

61 ret kórsetildi

Halyqaralyq balalardy qorǵaý kúnine oraı Jambyl oblysynyń ákimi Berdibek Saparbaev Taraz qalasyndaǵy birqatar nysandy aralady.

Áýeli ákim jastarmen «Birgemiz: Asyl mura» ortalyǵynda kezdesti. Munda búginde jastar erikti bolýdyń qyr-syryn úırenýde. Jastar bastamalarynyń ortalyǵynda eriktilerdiń jumysyn úılestirýge arnalǵan alań bar jáne front-ofıs jumys isteıdi. Munda óńirdegi jastar saıasatynyń negizgi baǵyttary boıynsha keńester berý jumystary júrgizilýde. Ortalyqta 60 adamǵa arnalǵan bólme, kıno zaly, jastardyń bos ýaqytyn tıimdi paıdalaný orny jáne jastarǵa qyzmet kórsetý ortalyǵy jumys isteıdi. Kezdesý barysynda Berdibek Saparbaev karantın kezinde «Biz birgemiz» uranymen muqtaj jandarǵa azyq-túlik sebetterin jetkizýge atsalysqan eriktilerge alǵysyn bildirdi.

Sonymen qatar Berdibek Saparbaev ınklıýzıvti balalar oıyn alańshasyn da baryp kórdi. Atalǵan oıyn alańshasynyń qurylysy «Dara» qaıyrymdylyq qorynyń qoldaýymen júrgizilgen. Inklıýzıvti oıyn alańshasynyń barlyq komponentteri ámbebap dızaınmen úılesim tapqan jáne otandyq óndirýshilerdiń kedergisiz orta talaptaryn eskere otyryp arnaıy ázirlengen. Jańa alańnyń oıyn elementteri – karýsel, qumsalǵysh, tóbeshik, ınteraktıvti panelder jáne ózge de kóptegen elementter barlyq balalar úshin ońtaıly jobalanǵan. Inklıýzıvti alań balalardyń birge ýaqyt ótkizip, olardyń belsendi damýyna oń áserin tıgizedi. Oıyn alańy qalanyń ashyq aýmaǵynda ornalasqan. Bul qala turǵyndarynyń, ásirese erekshe qajettilikteri bar balalardyń jalpyǵa qoljetimdi orynda bos ýaqyttaryn ótkizýge múmkindik beredi. Sondaı-aq, atalǵan alań balalardyń damý erekshelikteri men olardyń qajettilikterin eskere otyryp, qalalyq ınfraqurylymdy jaqsartýdyń úlgisi retinde salynǵan.

Sonymen qatar Berdibek Saparbaev Taraz qalasy, «Qarataý» (2) shaǵyn aýdanyndaǵy balalar oıyny alańy jáne sporttyq kesheninde de boldy. Atalǵan alańdardy «Meniń Elim» baǵdarlamasy aıasynda «Samruk-Kazyna Trust» áleýmettik jobalardy damytý qory ornatqan. Ámbebap alańdardy ornatýdaǵy maqsat – halyqtyń salaýatty ómir saltyn qalyptastyrý jáne olardyń bos ýaqytyn tıimdi uıymdastyrý bolyp tabylady. Ashylǵan alańdar turǵyndarǵa, ásirese jas urpaqtyń óz áleýetin iske asyrýǵa jáne jańa bıikterdi baǵyndyrýǵa serpin beredi. Sol sııaqty, Jambyl oblysynyń ákimi Taraz qalasy ákimdigi bilim bóliminiń múmkindigi shekteýli balalarǵa arnalǵan №2 psıhologııalyq-pedagogıkalyq túzetý ortalyǵyna da bardy. Atalǵan nysan «Qazaqstanda áralýan, biraq teń ınklıýzıvti qoǵam qurý!» jobasy aıasynda erekshe bilim berýdi qajet etetin balalarǵa jáne olardyń otbasylaryna tıimdi kómek kórsetý maqsatynda «Dara» qaıyrymdylyq qorynyń demeýshiligimen aǵymdy jóndeýden ótkizilgen. Sonymen qatar, psıhologııalyq-pedagogıkalyq túzetý kabıneti ashylyp, mekeme qajetti qural-jabdyqtarmen qamtamasyz etilgen. Kabınetterde balalar úshin defektolog, logoped muǵalimderi, pedagog-psıholog mamandary, sýrdopedagog, áleýmettik pedagog, medbıke-massajıst, ádiskerler jáne ózge de mamandar qyzmet etedi. Aldaǵy ýaqytta Taraz qalasyndaǵy «Jaılaý» (3), «Saltanat» (4), «Talas» (6), «Samal» (7), «Alataý» (8) shaǵynaýdandarynda turatyn, qazirgi ýaqytta №1 psıhologııalyq-pedagogıkalyq túzetý kabınetine baryp júrgen 150 balaǵa qyzmet kórsetiletin bolady.

 

Jambyl oblysy

1

2

Sońǵy jańalyqtar

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar