Qazir kórshi elden kúnine 350 adam ótedi. Solardyń arasynan indetke ushyraǵandar kóptep shyǵýda. Keshe ǵana Reseıden kelgen bes Qazaqstan azamatynyń boıynan jaman indet tabyldy. Olardyń úsheýi Omby oblysynyń aýmaǵynda vahtalyq ádispen jumys istep júrgen Qazaqstan azamattary eken. Al taǵy bir azamat Qazaqstan aýmaǵyna Reseı Federasııasynyń Rýbsovsk qalasynan kelipti. Onymen jaqyn aralasqan 1988 jyly týǵan Qazaqstan azamatynyń boıynan da koronovırýs tabylyp otyr.
Syrttaı qaraǵanda bulardyń boıynan pandemııanyń esh belgisi baıqalmaıdy, al teksere kelgendegi alǵashqy qorytyndy olarda vırýstyń baryn anyqtaǵan. Qazir bári de karantındik stasıonarǵa jatqyzyldy. Eger jiti júrgiziletin sarap alǵashqy qorytyndyny rastaıtyn bolsa olar qalalyq aýrýhananyń ınfeksııa bólimine jatqyzylady.
Qazir qala kóshelelerinde halyq erkin júre bastady. Betperdeni tek dúkenderge nemese basqa da ǵımarattarǵa kirgende ǵana taǵady. Ne sebepti ekenin kim bilsin, ystyq kúnderi joıylady degen vırýs ta azaımaı otyr. Halyqtyń da jamandyqqa eti úırenip kele jatqany qaýip oılatady. Saqtyq sharalaryn esten shyǵarmaýdyń qajetiligi arta túsken.
