Saıasat • 01 Maýsym, 2020

Syrtqy ister mınıstrliginde vedomstvoaralyq komıssııanyń otyrysy ótti

13 ret kórsetildi

Gýmanıtarlyq quqyq jáne adam quqyqtary salasyndaǵy Qazaqstannyń halyqaralyq-quqyqtyq mindettemelerin iske asyrý prosesine sholý júrgizý jáne jetildirý maqsatynda Syrtqy ister mınıstrligi Gýmanıtarlyq quqyq jáne adam quqyqtary jónindegi halyqaralyq sharttar jónindegi vedomstvoaralyq komıssııanyń kezekti 20-shy otyrysyn onlaın rejiminde ótkizdi, dep habarlady SIM baspasóz qyzmeti.

Otyrys barysynda adam quqyqtary jónindegi Ámbebap kezeńdik sholý sheńberinde Qazaqstan Respýblıkasynyń Úshinshi ulttyq baıandamasyn qorǵaý qorytyndylary boıynsha usynymdardy iske asyrý, sondaı-aq BUU-nyń Adam quqyqtary jónindegi komıtetine QR Úshinshi kezeńdik baıandamasyn engizýge jáne BUU-nyń Násildik kemsitýshiliktiń barlyq nysandaryn joıý jónindegi komıtetinde 8-10 jıyntyq merzimdi baıandamany qorǵaýǵa daıyndyq barysy qaraldy.

Otyrystyń qatysýshylar BUU-nyń Adam quqyqtary jónindegi keńesiniń arnaıy rásimderiniń (arnaıy baıandamashylar, táýelsiz sarapshylar, jumys toptary) usynymdaryn oryndaýdyń baǵalary men perspektıvalaryn jáne Qazaqstannyń BUU-nyń Adam quqyqtary salasyndaǵy halyqaralyq sharttaryna odan ári qosylý máselelerin jan-jaqty qarastyrdy.

Adam ólshemi sııaqty mańyzdy saladaǵy BUU-men yntymaqtastyqtyń mańyzdylyǵyn ataı otyryp, memlekettik organdardyń ókilderi qazaqstandyq taraptyń adam quqyqtary men bostandyqtary salasyndaǵy ózine alǵan halyqaralyq mindettemelerdi oryndaýy boıynsha birlesken kúsh-jigerdi úılestirýge ýaǵdalasty. Sonymen qatar ústimizdegi jyldyń qańtarynda Prezıdent Ákimshiligi janyndaǵy Adam quqyqtaryn qorǵaý máseleleri boıynsha Qazaqstan Respýblıkasynan baıandamalarǵa usynystar ázirleý jónindegi Úılestirý keńesin qurý Adam quqyqtary máseleleri boıynsha memlekettik organdar men salalyq úkimettik emes uıymdardyń ózara syndarly is-qımylyna járdemdesetin bolady.

Sońǵy jańalyqtar

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Uqsas jańalyqtar