Ekonomıka • 01 Maýsym, 2020

Úsh oblysta egis jumystary aıaqtaldy

18 ret kórsetildi

Shymkent, Aqtóbe jáne Atyraý oblystarynda kóktemgi dala jumystary júrgizilip boldy, qalǵan óńirlerdegi egis naýqany óz ýaqytynda aıaqtalady, dep habarlaıdy AShM baspasóz qyzmeti.

Búgingi kúni dándi jáne burshaq daqyldarynyń egilýi 91% (13,3 mln ga), maıly daqyldar 90% (2,7 mln), qaýyn jáne kartop 89,5% (422,3 myń), qant  qyzylshasy - 93,2% -ǵa (20,5 myń) aıaqtaldy.

Osyǵan deıin fermerler maqta men kópjyldyq shópterdi sebýdi bitirgen bolatyn. Aıta ketý kerek atalǵan daqyldardy egý josparlaǵan ýaqyttan erte aıaqtaldy. Maqta 125 myń gektarǵa (114%), jemshóp daqyldary 401 myń gektarǵa (138,9%) egildi.

Osy qarqynmen elimizdegi kóktemgi dala jumystary sanaýly kúnde tolyǵymen aıaqtalady dep kútilýde.

Tótenshe jaǵdaı men karantın rejımine qaramastan, egin naýqany ýaqytynda bastalyp, sátimen júrgizildi. Prezıdent Qasym-Jomart Toqaevtyń jáne Premer-Mınıstr Asqar Mamınniń tapsyrmasymen Aýyl sharýashylyǵy mınıstrligi kóktemgi dala jumystaryn jedel qarjylandyrýdy qamtamasyz etti. Arzan otyndy, sýbsıdııalanǵan mıneraldy tyńaıtqyshtar men pestısıdterdi ýaqtyly jetkizýdi uıymdastyrdy. «QazAgro» UBH» AQ, qarjy ınstıtýty «Keń Dala» jáne «Qarapaıym zattar ekonomıkasy» baǵdarlamalary boıynsha jyldyq 5 jáne 6%-ben fermerlerge nesıe berdi, sonymen qatar, aýylsharýashylyq tehnıkalary jeńildetikpen jalǵa berildi.

Sondaı-aq, elde engizilgen tótenshe jaǵdaı kezeńinde Aýyl sharýashylyǵy mınıstrligi kóktemgi dala jumystarymen aınalysatyn fermerlerdi jáne tehnıkalardy blokposttardan esh kedergisiz ótýin qamtamasyz etti. Qosalqy bólshekterdi satatyn jáne aýylsharýashylyq tehnıkalaryna qyzmet kórsetetin kásiporyndardyń jumysy da toqtaǵan joq.

Sońǵy jańalyqtar

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar