Pikir • 02 Maýsym, 2020

Endi sol zulmattar qaıtalanbasyn!

21 ret kórsetildi

Qazaqstan Prezıdenti Qasym-Jomart Toqaevtyń Saıası qýǵyn-súrgin jáne asharshylyq qurbandaryn eske alý kúnine oraı úndeýin oqyp, tanysyp shyqtym da, oı ústinde qaldym.

Rasynda da adamzat tarıhynda birde-bir memleket óz halqyna dál Keńes Odaǵyndaı zulymdyq jasamaǵan bolar. Prezıdentimiz óz úndeýinde «HH ǵasyrdyń 20-50 jyldaryndaǵy saıası qýǵyn-súrgin zobalańy – halqymyzdyń tarı­hyndaǵy qasiretti kezeń» ekendigin aıta otyryp,  bizdiń elimiz boıynsha ǵana 100 myńǵa jýyq azamatymyz qýǵyn-súrginge ushyrap, sonyń 20 myńnan astamy atylǵandyǵyn jáne de Keńes zamanynda ómir súrgen ha­lyqtarǵa «úlken terrordyń» orasan zor qasiret ákelgenin, zulmat jyldarda Qazaqstanǵa KSRO-nyń túkpir-túkpirinen bes mıl­lıonnan astam adam jer aýdaryl­ǵan­dyǵyn atap kórsetipti. Sol qıyn da qasiretti kezeńde bizdiń halqy­myz kez kelgen ulttyń balasyn baýyryna basty. О́zderi jarymaı otyrsa da, qurt-maıymen, baýyr­saǵymen bólisti, tórine otyrǵyzdy. Qazaq­tar­dyń sol márttigi, sol adaldyq­tary, sol darhandyqtary, Adamzat  tarıhy­nyń altyn betterine altyn árip­termen jazylǵany da abzal bolar edi. Elordada ótken bir jıyn­da «Eger de álem boıynsha adal da tózimdi bir halyqqa Nobel syı­lyǵy beriletin bolsa, oǵan tek meniń qazaq degen halqym ǵana la­ıyqty» dep  aıtqan da bolatynmyn!

Shúkir, táýba deımiz! «Keń bol­sań kem bolmaısyń» degen ata-baba kóńil-nıetimen ómir súre júrip, Táýel­siz el boldyq! Taǵy da sol keńdigimizge baǵyp, Qazaqstandy meken­dep otyrǵan barlyq dıaspo­raǵa jaǵdaı jasap otyrmyz. El­diń birligin, yntymaǵyn oılap, sony bárinen de bıik qoıamyz. Mem­le­ket basshysy Qasym-Jomart Toqaev óz úndeýinde bylaı deıdi: «Totalı­tarızmnen zardap shekken kóp­tegen ult ókilderi úshin qazaq jeri qutty mekenge aınaldy. Ata-ba­ba­larymyzdan daryǵan qaısar­lyq pen tózimdiliktiń arqasynda qa­tań synnan abyroımen ótip, birtu­tas ult retinde birigýge múmkindik al­dyq!».

Memleket basshysynyń ún­deý­in­de «Búginde respýblıka óńirler­inde «Qazaq halqyna – myń alǵys» mo­nýmentteri ornatylǵan. Bul – qazaq jurtynyń aq peıili men danalyǵyna degen sheksiz rıza­shy­lyq­tyń belgisi» degen joldar bar.  Jáne de Prezıdentimizdiń «Tarı­hı ádildikti qalpyna kelti­rý jumystaryn aıaqtap, saıası qý­ǵyn-súrgin qurbandaryn aqtaý úshin arnaıy memlekettik komıs­sııa qurýdy tapsyrdym» dep otyr­ǵan­dyǵy osy máseleni tolyq jerine jetkizýdi maqsat etkeni de bolar dep oılaımyz.

Qazaq halqynyń qasiretti kezeńi­niń áli de aqtańdaq betteri kóp. Áli kúnge deıin kámpes­ke, ıaǵnı qazaq baılary men aýqatty­laryn kámpeskeleý tarıhy tolyq zert­telgen joq. Ashtyq osy kámpes­ke­leý­den bastalǵany anyq.

«Biz jazyqsyz jazalan­ǵan­dar­dyń árqaısysyn este saqtaý arqyly ǵana kemel keleshekke jol ashamyz. Bolashaqtyń berik negizi Táýelsizdikten bastaý alady», degen Qasym-Jomart Toqaevtyń úndeý sózinde aıtylǵan qaǵıdany ár­daıym jadymyzda ustaý arqy­ly keler kúnderimiz ben keler urpa­ǵymyzdy zańsyzdyqpen jasal­ǵan súrginderden aman saqtap tura­ry­myz bar. Saıası qýǵyn-súrgin­niń qasi­­retti zardabyn tartqan urpaq­pyz biz de! Endi sol zulmattar qaıta­­lan­basyn! Eldiń birligi men yn­ty­maǵyn saqtaý arqyly órken­deý­ge jazsyn!

 

Jabal ERǴALIEV,

Qazaqstannyń eńbek sińirgen qaıratkeri, Senatorlar keńesiniń múshesi

Sońǵy jańalyqtar

Qaıyrymdylyǵyńnyń saýabyn bersin...

Aımaqtar • Búgin, 14:23

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar