Kıno • 02 Maýsym, 2020

«Qoshqar men teke» avtory Túrkistanda tarıhı telehıkaıa túsirmek

27 ret kórsetildi

Túrkistanda «Ábý Nasyr ál-Farabı» týraly tarıhı telehıkaıa túsirilýde. Ǵulama ǵalymnyń 1150 jyldyǵyna oraı «Saq» kınostýdııasy ekinshi Arıstotel atanǵan oıshyl-ǵalymnyń ǵıbratty ǵumyryn 10 serııamen kórermen nazaryna usynbaq.

Túrkistandyqtar bıyl naýryz merekesin Qoja Ahmet Iаsaýı kesenesi janynan bıyl boı kótergen etnoaýylda dúrkiretip toılamaq bolǵan-dy. Eldegi tótenshe jaǵdaıǵa baılanysty dýmandy shara ótpeıtip bolyp, esesine merekege daıyndalǵan dúnıeniń bári «Ál-Farabı» fılminiń daıyn dekorasııasyna aınaldy. Telehıkaıanyń rejısseri – Batyrhan Dáýrenbekov. «Qazaq eli», «Tolaǵaı», «Qajymuqan», «Qoshqar men teke» syndy 50 shaqty anımasııalyq fılmniń avtory. Rejısser búginde ǵulama ǵalymnyń ómir jolynan jańa derekter jınaqtap, telehıkaıa arqyly onyń erekshe qyrlaryn ashpaq. «Negizi ál-Farabı Otyrarǵa jaqyn mańda Syrdarııanyń boıyndaǵy Oqsyz degen qalada týǵan. Onyń ákesi Tarhan Ozlahtyń balasy áskerı basshy bolǵan. Ol tarıhta bar. Biz sony kórsettik. Jáne de ál-Farabıdiń basqa da qyrlaryn, mysaly mergen bolǵanyn jáne de Otyrardyń ámirshisin órkenıetke qalaı kótergenin kórsetip jatyrmyz», deıdi rejısser Batyrhan Dáýrenbekov.

Sondaı-aq ol bul týyndynyń basty keıip­keri ǵylym, bilim, ónerdiń shyraqshysy bolǵan ortaǵasyrlyq oıshyldardyń jıyntyq beı­nesi bolǵaly turǵanyn aıtady. Farabta týǵan, Damaskide ómirden ótken, Samarqan men Buharada izi qalǵan. Áý basta osy qalalarda josparlan­ǵan túsirilim pandemııanyń kesiri­nen júzege as­paı qaldy. Damaskidegi kórinister 3D grafıka kómegimen jasalmaq. Qalǵany Otyrar men Túrkistandaǵy tarıhı nysandardyń mańaıynda túsiriledi. Ortaǵasyrlyq kartınaǵa kerekti rekvızıtter de óte sátti tańdalǵan. Bazardaǵy buıymdar, jemis-jıdek, ustahana, saýda kerýenderine kerekti haıýanattar da arnaıy aldyrylypty. Al Ábý Nasyr ál-Farabıdiń jigittik shaǵyn jas akter Bekzat Júnisov beıneleýde. Týyndy kórermen qaýymǵa qazan-qarasha aılarynda «Qazaqstan» ulttyq arnasynan usynylmaq.

 

Túrkistan oblysy

 

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar