Aımaqtar • 02 Maýsym, 2020

Aqmolada 898 myń gektar jer aınalymǵa engizildi

49 ret kórsetildi

Memleket basshysy Qasym-Jomart Toqaev Ulttyq qoǵamdyq senim keńesiniń alǵashqy otyrysynda ıgerilmegen jaıylymdardy birtindep memleketke qaıtarý máselesin kótergen bolatyn. Prezıdent ǵaryshtan monıtorıng júrgizý arqyly birneshe oblysta, onyń ishinde agrarly aımaq sanalatyn Aqmola óńirinde bos jatqan jerlerdiń ıgerile bastaǵanyn tilge tıek etti.

Máselen, oblys aýmaǵynda jyl basynda aýyl sharýashylyǵy maqsatyndaǵy 1,5 mln gektarǵa jýyq jerdiń paıdalanylmaı jatqany anyqtalǵan. Jergilikti atqarýshy organ ókilderi men oblystyq jer komıteti bul baǵytta sharýalarmen jalǵa alý týraly kelisim-sharttardy buzý, jerdi memleketke qaıtarý sııaqty sharalardy qolǵa aldy. Nátıjesinde 898 myń gektarǵa jýyq jer aınalymǵa qosyldy.

Oblys aýmaǵyndaǵy 380 myń gektar egistik jeri, 1 mıllıonnan asa jaıylymdyq jer paıdalanylmaı bos jatyr. Qazirde onyń 898  myń gektary aýyl sharýashylyǵy maqsatynda aınalymǵa tartyldy. Bul «Qoldaý» veb-portalynyń ǵaryshtyq monıtorıngi jáne aýyl sharýashylyǵy jerlerin sıfrlandyrýdyń nátıjesinde júzege asyrylýda.

– Qalǵan 600 gektar paıdalanylmaı jatqan jermen jumys júrgizilýde. Ol kóbinese jaıylymdyq jerler. Qazirgi ýaqytta tekserýge moratorıı jarııalanǵan. Áıtkenmen, jumystar júrgizilýde. Aýyl sharýashylyǵy jerlerin paıdalanbaıtyndarǵa  salyq 10 ese kóbeıtildi. Jańa erejeniń de áseri bar.  Jer ıeleri memleketke óz erikterimen qaıtaryp jatyr. Sonyń nátıjesinde oblys bıýdjetine 150 mıllıon teńge tústi,–deıdi oblystyq jerdiń paıdalanylýy men qorǵalýyn baqylaý basqarmasy basshysynyń orynbasary Rústem Tókenov.  

Oblystyq jer komıtetiniń mamandary jýyrda ǵana 16 aýdanǵa jumys saparymen shyǵyp, jergilikti ınspektorlarǵa paıdalanylmaı jatqan jerlerdi qaıtarý boıynsha ádistemelik jáne praktıkalyq kómek kórsetti. Nátıje jaman emes.

– Paıdalanylmaı jatqan jer Atbasar, Aqkól jáne Birjan sal aýdandarynda kezdesti. Atbasar aýdany 231 myń paıdalanylmaı jatqan aýyl sharýashylyǵy jerlerin  ıgerýge kiristi. Aqkól aýdanynda 107 myń paıdalanylmaǵan jer anyqtaldy. Onyń 73 myń gektary memleketke qaıtaryldy,–deıdi oblystyq jerdiń paıdalanylýy men qorǵalýyn baqylaý basqarmasynyń bas mamany Gúljan Jataeva.

Budan bylaı paıdalanylmaı jatqan aýyl sharýashylyǵy jerlerin memleketke qaıtarý merzimi qysqartylmaq. Zań jobasy búginde talqylaýda. Paıdalanylmaı jatqan jer tek sot arqyly alynatyndyqtan, oǵan 2-3 jyl ýaqyt ketedi. Sondyqtan, eger jer paıdalanylmasa, onda jalǵa alý kelisim-shartyn birjaqty rette buzý týraly usynystar engizilýde.

Sońǵy jańalyqtar

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar