Qazaqstan • 02 Maýsym, 2020

UBT tapsyratyndar ótken jylmen salystyrǵanda 11%-ǵa kóp (vıdeo)

253 ret kórsetildi

20 maýsym men 5 shilde aralyǵynda elimizde UBT ótkiziledi. Bıylǵy jyly testileýge 132 myńǵa jýyq adam qatysady. Bul týraly Úkimet otyrysynda Bilim jáne ǵylym mınıstri Ashat Aımaǵambetov aıtty.

«UBT bıyl 17-ret ótkiziletin bolady. Osy kezeń aralyǵynda testileýge 2 mıllıonǵa jýyq adam qatysyp shyqty. 2019 jyldan bastap UBT jylyna 4 ret ótkizilýde: qańtar, naýryz, tamyz aılarynda ótkizilýde. Bıyl UBT formaty ózgergen joq. Barlyǵy 5 pán, 3 mindetti jáne 2 beıindi pán boıynsha testileý qaǵaz júzinde ótkiziledi. Barlyq test tapsyrmalarynyń sany - 120, maksımaldy ball - 140. UBT-ǵa qatysý úshin ótinishterdi qabyldaý 15 sáýirden 10 mamyrǵa deıin júrgizildi, - dedi mınıstr

Ashat Aımaǵambetov osy jyly ótinishterdi qabyldaý alǵash ret onlaın formatta ótkenin atap ótti. Tek ınterneti joq óńirlerdiń túlekteri úshin dástúrli formatta qujattar tapsyrý múmkindigi berildi.

«Jalpy bıyl mektep túlekterinen testileýge qatysý úshin 111 109 nemese 82 paıyz ótinish tapsyryldy. Bul ótken jylmen salystyrǵanda 11 paıyzǵa nemese 15 myńǵa jýyq adamǵa joǵary. Sondaı-aq, aldyńǵy jyldarda mektep bitirgen túlekterdi qosqanda barlyǵy bıyl 131 755 adam test tapsyratyn bolady», - dedi Ashat Aımaǵambetov.

Mınıstrdiń aıtýynsha, aldyńǵy jyldary mektep bitirgen túlekterdi qosqanda, bıyl barlyǵy 131 755 adam test tapsyrady. UBT bekitilgen merzimde, ıaǵnı, 20 maýsymnan 5 shildege deıin sanıtarlyq talaptardy qatań túrde saqtaý arqyly 161 UBT pýnktinde ótkiziledi.

Sońǵy jańalyqtar

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar