Qazaqstan • 02 Maýsym, 2020

UBT qaǵıdalaryna qandaı ózgerister engizildi?

300 ret kórsetildi

UBT tapsyrý qaǵıdalaryna engizilgen ózgerister týraly Bilim jáne ǵylym mınıstri Ashat Aımaǵambetov aıtyp berdi.

Bıyl UBT qaǵıdalaryna birneshe jańashyldyqtar engizdik. Atap aıtqanda, UBT-ǵa qatysý úshin kirý kezinde bet-álpetin taný Face ID kómegimen tulǵany sáıkestendirý alǵash ret qoldanylady. Jylda berilgen qaǵaz sertıfıkattyń ornyna bıyl UBT elektrondy sertıfıkaty jáne bilim berý grantyn taǵaıyndaý kezindegi elektrondy kýálikti engizdik», - dedi mınıstr.

Onyń atap ótýinshe, halyqaralyq testilerdiń baldaryn UBT upaıyna aýdarý shkalasy engizilgen. Sondyqtan mundaı halyqaralyq sertıfıkattary bar tulǵalar UBT tapsyrýdan bosatylady jáne bilim berý grantyn taǵaıyndaý konkýrsyna osy aýysqan baldary arqyly qatysa alady.

«Akademııalyq kezeń aıaqtalǵanǵa deıin qabyldanǵan UBT shekti balyn jınamaǵan tulǵalar endi jyl boıy UBT tapsyrý múmkindigine ıe. Pedagogıkalyq mamandyqtarǵa túsý úshin talap kúsheıtilýde. Bul týraly Prezıdenttiń tapsyrmasy da bar. Máselen, pedagog bolý úshin shekti ball aldyńǵy jyly 50-den 60-qa kótersek, bıyl ony 70 balǵa deıin kóterip otyrmyz», - dedi Ashat Aımaǵambetov.

Talapkerlerden tıym salynǵan zattar tabylǵan jaǵdaıda nemese beınejazbasyn qaraý kezinde anyqtalǵan bolsa, onda UBT nátıjesi jáne bilim berý granty joıylady.


 

Sońǵy jańalyqtar

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar