Aımaqtar • 02 Maýsym, 2020

Altaı Kólginov elordadaǵy UBT tapsyrý tártibin túsindirdi

22 ret kórsetildi

Bıyl UBT-ǵa qatysýǵa 7154 elordalyq túlek ótinish bildirdi. Nur-Sultan qalasynyń ákimi Altaı Kólginov Úkimet otyrysynda elordadaǵy UBT tapsyrý tártibi týraly aıtyp berdi.

«Aǵymdaǵy jyly UBT-ǵa qatysýǵa 7154 túlek ótinish bildirdi. Onyń ishinde elorda túlekteri – 6255 jáne Aqmola oblysynyń mańaıyndaǵy eldi mekenderden 897 túlek. UBT qaladaǵy úsh ýnıversıtet bazasynda ótkiziletin bolady. Atap aıtqanda, L. N. Gýmılev atyndaǵy Eýrazııa ulttyq ýnıversıtetinde 2888, S. Seıfýllın atyndaǵy Qazaq agrotehnıkalyq ýnıversıtette 2119, Qazaq ekonomıka, qarjy jáne halyqaralyq saýda ýnıversıtetinde 2147 oqýshy tapsyrady», - dedi Altaı Kólginov.

Búgingi tańda UBT-ǵa qatysatyn túlekterdiń derekter qory qalyptastyrylǵan. Identıfıkasııalyq kodttar taǵaıyndaý boıynsha sharalar ótkizildi.

«UBT ótkizý quraldary barlyq qajetti qural-jabdyqtarmen qamtamasyz etilgen. Uıymdastyrý sharalary ýnıversıtet rektorlarymen talqylandy. Bekitilgen jospar-tapsyrmaǵa sáıkes UBT ótkizý oryndarynda ákimdik tarapynan kelesi jumystar jasalatyn bolady: Qoǵamdyq tártipti saqtaý úshin polısııa qyzmetkerleri jáne arnaıy mashınalar, medısınalyq qyzmet kórsetýge medısınalyq qyzmetkerler jáne jedel-járdem mashınalary, ǵımarattardyń órt qaýipsizdigin saqtaý úshin órt qaýipsizdigi qyzmetkerleri jáne arnaıy mashınalar. Qajetti qýatpen jáne úzdiksiz elektrmen jabdyqtaý úshin 15 qyzmetker jáne 3 arnaıy mashına jumyldyrylady», - dedi qala ákimi.

Onyń aıtýynsha, epıdemıologııalyq talaptarǵa sáıkes ınfeksııanyń taralýyna jol bermeý maqsatynda UBT tapsyratyn aýdıtorııalardyń sany 30-dan 40-qa deıin ulǵaıtyldy.

«Eger buryn bir aýdıtorııada bir ýaqytta 50 oqýshy bolsa, bıyl olardyń sany 20-ǵa deıin azaıady. UBT tapsyratyn túlekter kezekti bir-birlep tekserilmes úshin bir mezette 50-60 adamdy tekseretin múmkindigi bar stasıonarlyq-teplovızorlyq jáne dezınfeksııalyq týnnelder ornatylady. Túlekterdi ýnıversıtetke jetkizý úshin arnaıy avtobýstar uıymdastyrylady. Ata-analar onlaın qaraıtyn bolady», - dedi Altaı Kólginov.

Sońǵy jańalyqtar

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar