Qazaqstan • 02 Maýsym, 2020

UBT ótkiziletin pýnktterge ata-analar barmaı ma?

168 ret kórsetildi

Ata-analarǵa jáne túlekterdi alyp júrýshi basqa tulǵalarǵa balalardy UBT ótkizý pýnktterinde kútýge tyıym salynady. Bul týraly mınıstr Ashat Aımaǵambetov úkimet otyrysynda aıtty.

«Ata-analarǵa jáne túlekterdi alyp júrýshi basqa tulǵalarǵa balalardy UBT ótkizý pýnktterinde kútýge tyıym salynady. Ata-analarǵa UBT ótý barysyn sol jerge kelmeı-aq úıinde otyryp kórý úshin onlaın kórsetilimdi uıymdastyramyz. UBT ótkizý pýnktteri tosqaýyl taspalarymen jabdyqtalady. UBT ótkizý pýnktterine kirý tártibinde testileýshilerdiń arasynda 2 metr qashyqtyqtyń saqtalýy qamtamasyz etiledi. Bul 2 metr araqashyqtyq UBT tapsyratyn aýdıtorııa ishinde de saqtalady», - dedi mınıstr.

Koronavırýstyń taralý qaýpin azaıtýǵa arnalǵan qosymsha taǵy 5 saqtyq sharasy qoldanylady.

«Birinshiden - test tapsyrýshylardy zalasyzdandyrý týnnelderinen ótkizý. Ekinshiden - aıaq kıimderdi arnaıy zalasyzdandyrý kilemshelerimen óńdeý. Úshinshi - edendi sanıtaızerlermen zalasyzdandyrý. Tórtinshi - ár talapkerdiń dene qyzýyn ólsheý. Besinshi - bir jolǵy qoldanylatyn jańa maskalar berý. Jalpy, bas sanıtarlyq dárigermen kelisilgen qatań sanıtarlyq talaptar barlyq jerlerde saqtalatyn bolady», - dedi Ashat Aımaǵambetov.

Sondaı-aq mınıstr ulttyq biryńǵaı testileý ótkizý kezinde túrli gadjetterdi, baılanys quraldaryn, shpargalkalardy, ádebıetterdi kirgizýge tyıym salynatynyn aıtty.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar