Qazaqstan • 02 Maýsym, 2020

«Eńbek» baǵdarlamasymen 184 myńdaı adam jumysqa ornalasqan

20 ret kórsetildi

255 myń adam Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshysy boldy, onyń ishinde 184 myń adam jumysqa ornalastyryldy. Bul týraly QR Úkimetiniń otyrysynda QR Eńbek jáne halyqty áleýmettik qorǵaý mınıstri Birjan Nurymbetov málimdedi, dep habarlady EHÁQM baspasóz qyzmeti.

Mınıstrlik basshysy 2020 jyly «Eńbek» memlekettik baǵdarlamasyn júzege asyrýǵa 176 mlrd teńge qarastyrylǵanyn, onyń 71,5 mlrd teńgesi mıkrokredıtter men granttarǵa, 32,6 mlrd teńge oqytýǵa, 71,9 mlrd teńge sýbsıdııalanatyn jumys oryndaryna jumysqa ornalastyrýǵa jáne jumys kúshi bar aımaqtardan jumys kúshi jetispeıtin aımaqtarǵa kóshýge arnalǵan sýbsıdııalarǵa baǵyttalatynyn aıtty.

«Jyl basynan beri 255 myń adam «Eńbek» memlekettik baǵdarlamasynyń qatysýshysy boldy, onyń ishinde 184 myń adam jumysqa ornalastyryldy. Munda 99 myń adam turaqty jumyspen qamtyldy», - dedi Birjan Nurymbetov.

Sondaı-aq, ol Memlekettik baǵdarlama aıasynda 8 myń AEK-ke deıingi jeńildetilgen kredıtter (kredıt merzimi 5 jyldan 7 jylǵa deıin, paıyzdyq mólsherlemesi - jyldyq 6%), 200 AEK-ke deıingi mólsherde qaıtarymsyz granttar beriletindigin jetkizdi.

Jyl basynan beri 6,1 myń adam bıznesti damytýǵa mıkrokredıtter men granttar aldy.

«Memlekettik baǵdarlamada jumyssyzdarǵa, ásirese jastarǵa eńbek naryǵynda óz ornyn tabýǵa kómektesý úshin kásiptik bilim berýdiń birneshe túri qarastyrylǵan. Koronavırýsqa baılanysty shekteýlerge baılanysty oqý kýrstary endi bastalýda. Jyl sońyna deıin 100 myńnan astam jumyssyz jan jańa kásipter men daǵdylardy úırenýge múmkindik alady», - dep tolyqtyrdy Birjan Nurymbetov.

Sondaı-aq, mınıstr jyl basynan beri 84 myń adam sýbsıdııalanatyn jumys ornyna jumysqa tartylǵanyn atap ótti.

Eńbek utqyrlyǵyn damytý aıasynda ońtústikten soltústik oblystarǵa 666 otbasy (2375 adam) qonys aýdardy.

Eske salaıyq, jyl basynan beri Elektrondyq eńbek bırjasy arqyly 97 myń adam jumys tapty, onyń 46 myńy – turaqty jumys oryndaryna ornalastyryldy.

Sonymen qatar, QR Eńbek jáne halyqty áleýmettik qorǵaý mınıstrligi, «Coursera» jappaı onlaın bilim berý platformasymen, 2020 jyldyń sońyna deıin 50 myń jumyssyz qazaqstandyqty tegin oqytý týraly kelisimge keldi.

Azamattar 298 kýrs boıynsha bilim ala alady. Jobaǵa qatysý úshin resmı túrde jumyssyz retinde tirkelý jetkilikti. Coursera.org saıtyna tirkelgen kezde enbek.kz saıtynda nemese Jumyspen qamtý ortalyǵynda jumyssyz retinde tirkelý kezinde kórsetilgen elektrondyq poshtanyń adresin qoldanǵan jón.

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar