Aımaqtar • 02 Maýsym, 2020

Bazarlardaǵy qaýipsizdik qatań qadaǵalanady

22 ret kórsetildi

Koronavırýs indetiniń taralýyna baılanysty elimizde engizilgen tótenshe jaǵdaıǵa oraı Jambyl oblysyndaǵy saýda oryndary, bazarlar óz jumysyn toqtatqan bolatyn.

Ásirese oblys ortalyǵy Taraz qalasyndaǵy saýda núktelerine baqylaý jumystary kúsheıtildi. Bul rette saýda oryndarynyń ákimshiliginen bólek, árbir turǵyn qaýipsizdik sharalaryn saqtaýǵa mindetti. Jýyrda ǵana Taraz qalasyndaǵy jazǵy qoǵamdyq tamaqtaný oryndary, shashtaraz, sulýlyq salony, keıbir saýda núkteleri sııaqty birqatar nysandarǵa jumysyn bastaýǵa ruqsat berilgen edi. Alaıda, basty talap – karantın rejımin qatań saqtaý, turǵyndardyń qaýipsizdigin meılinshe qamtamasyz etý edi. Biraq, birqatar tekserý jumystarynyń nátıjesinde kóptegen nysandarda qaýipsizdik erejeleri saqtalmaǵan.

Osy oraıda, qaladaǵy Baýyrjan Momyshuly kóshesiniń boıynda ornalasqan saýda oryndaryna reıd jumystary júrgizilip, zerdeleý jumystarynyń nátıjesinde kóptegen jaǵdaıda karantın talaptary saqtalmaǵan bolyp shyqty. Karantın talaptaryn saqtamaǵan azamattarǵa qalalyq ákimdik tarapynan hattama toltyrylyp, zań aıasynda shara qoldanylǵan. Sol sııaqty, Tarazdaǵy «Myńbulaq», «Dıana», «Aırylmas», «Zarına» jáne «Gaýhar» saýda ortalyqtaryna da reıd jumystary júrgizilgen edi. Munda da karantın talaptaryn saqtamaǵan azamattar anyqtalǵan. Iаǵnı, saýda jasaýda negizgi talaptar saqtalmaǵan. Endi búginde óńirdegi blok-beketter alynyp, birqatar saýda núktelerine jumys isteýge ruqsat berildi. Sonymen qatar, búgingi tańda oblystaǵy eń úlken saýda nysany bolyp sanalatyn Taraz qalasyndaǵy «Aýyl – Bereke» bazaryndaǵy jemis-kókónisterdiń, qurylys materıaldary men aýylsharýashylyq ónimderiniń kóterme saýda sektory da jumys istep tur. Degenmen, ruqsat berilgen saýda núktelerinde de karantın talaptary, jalpy qaýipsizdik máselesi tolyq saqtalmaı otyr. Jambyl oblysynyń ákimi Berdibek Saparbaev atalǵan bazar aýmaǵynda bolyp, birqatar mańyzdy máselelerge toqtalǵan bolatyn. Osy ýaqytqa deıin ákim bazar aýmaǵyn retke keltirýdi, saýda oryndaryn jaqsartýdy, yńǵaıly jaǵdaı jasaý máselelerine nazar aýdarýdy tapsyrǵanymen, kúni búginge deıin bul nusqaýlar tolyǵymen oryndalmaǵan. Sondaı-aq, Berdibek Saparbaev bazarda jaıly saýda pavılondarynyń joqtyǵyn, tipti keıbir satýshylardyń jerde saýda jasap otyrǵanyn, oǵan qosa kólik quraldarynyń bazardaǵy retsiz qozǵalysy órt qaýpin týdyratynyn aıtyp, bazar jumysyn synǵa alǵan edi. «Sanıtarlyq-epıdemıologııalyq talaptardyń saqtalýy da oıdaǵydaı emes. Satýshylar da, satyp alýshylar da betperde kımeıdi. Adamdar arasyndaǵy áleýmettik araqashyqtyq saqtalmaıtynyn kórip otyrmyz. Naryq qyzmetkerleri azyq-túlik emes sektordaǵy jumysty qaıta bastaýdy suraýda. Alaıda, bazar ákimshiligi qajetti sanıtarlyq talaptardyń saqtalýyn qamtamasyz ete almaı otyr. Tıisti sharalar qabyldańyzdar, sodan keıin ǵana bazardy tolyq ashý týraly aıtýǵa bolady», degen Berdibek Saparbaev bazar basshylyǵyna biraz eskertý jasady.

Bul tek «Aýyl – Bereke» bazaryna ǵana qatysty syn emes. Budan bólek, Taraz qalasynda «Ortalyq» jáne «Atakent» bazarlary da jumys isteıdi. Alaıda, bulardyń da kópshiliginde mindetti sanıtarlyq, karantındik jáne órtke qarsy talaptar oryndalmaǵan. Eger órt bola qalǵan jaǵdaıda, oqıǵa ornyna órtke qarsy qyzmet tehnıkasynyń jetýi de basty másele. Bul oraıda Jambyl oblystyq taýarlar men qyzmetterdiń sapasyn jáne qaýipsizdigin baqylaý departamentiniń basshysy Berik Jarqynbekov bazarlardyń birde-biri arnaıy bekitilgen talaptarǵa sáıkes kelmeıtinin aıtady. «Adamdar maskasyz júr. Sanıtarlyq tazalaǵyshtar joq. Araqashyqtyq saqtalmaıdy», deıdi Berik Jarqynbekov.

Bazar halyq kóp shoǵyrlanatyn oryn bolǵandyqtan, munda qaýipsizdik sharalarynyń qatań saqtalýy mańyzdy. Búginde óńirde blok-beketterdiń alynýy, keıbir nysandardyń jumysyn bastaýyna ruqsat berilýi indettiń tolyǵymen joıylǵanyn bildirmeıdi. Sondyqtan da jergilikti halyqtyń qaýipsizdigi úshin karatıtn talaptarynyń ásirese bazarlarda tolyǵymen saqtalǵany durys.

17

 

Jambyl oblysy

Sońǵy jańalyqtar

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Atyraýda tegin dári-dármek taratylmady

Aımaqtar • 04 Shilde, 2020

Uqsas jańalyqtar