Qoǵam • 02 Maýsym, 2020

Sybaılas jemqorlyqpen kúreste BAQ-tyń mańyzy talqylandy

77 ret kórsetildi

Sybaılas jemqorlyqqa qarsy is-qımyl agenttiginiń AntikorLive alańynda «Egemen Qazaqstan» gazetiniń Basqarma tóraǵasy Darhan Qydyráli «Sybaılas jemqorlyqpen kúrestegi BAQ-tyń mańyzy» taqyrybynda pikirimen bólisti.

«Jemqorlyqty joıýdyń eń basty kredosy – ádildik. Jemqorlyq sóziniń ózi ádiletsizdiktiń sınonımi sııaqty. Prezıdent óziniń saılaýaldy baǵdarlamasynda ádiletti qoǵam qurý jaıynda aıtqan bolatyn. Bul rette ádilet uǵymyna nazar aýdarý asa mańyzdy. О́ıtkeni ádilet bolǵan jaǵdaıda ǵana qoǵamda senim qalyptasady», - dedi Darhan Qydyráli.

Sondaı-aq ol ádildik, jemqorlyq týrasynda jazǵan belgili fılosoftardyń kitaptarynan mysaldar keltirdi.

«Bizde saıası qyzmetkerler kóbinese Makıavellıdi oqyp, úlgi tutady. Al «Makıavellı bılikke jetý úshin qandaı bolmasyn qadamǵa barýǵa bolady» deıdi. Menińshe, jemqorlyqtyń bir kúshi osynda jatyr. Sebebi qııanatpen, aldap-arbaýmen bılikke nemese úlken jetistikke jetýge bolady degendi oqyp ósken jastar, árıne, ondaı qadamǵa barady. Al endi dál osyndaı kitaptar bizdiń qoǵamda kóp jazylǵanyn bilesiz. Sonyń biri ál-Farabı babamyzdyń osydan myń jyl buryn jazylǵan «Qaıyrymdy qala turǵyndary» kitaby. Sondaı-aq Júsip Balasuǵunnyń «Qutty bilik» kitabynda da memlekettik qyzmetkerdiń, patshanyń, ýázirdiń qandaı bolýy kerektigi jazylǵan. Abaı «Qutty bilikti» oqyǵan. Sondyqtan onyń «Ǵylym tappaı maqtanba» degen áıgili óleńinde aıtylǵanyndaı jemqorlyqtyń bir ushy qanaǵatsyzdyqta, raqymsyzdyq pen ynsapsyzdyqta jatyr», - dedi ol.

Budan soń, Darhan Qydyráli BAQ ókilderi qoǵamdaǵy sybaılas jemqorlyq áreketterin jazýda batyl bolýy kerektigin aıtty.

«Sybaılas jemqorlyq indeti barlyq salada kezdesedi. Qoǵammen eń kóp aralasatyn jýrnalıster. Olar túrli máselelerdi BAQ betterinde únemi kóteredi. Soǵan baılanysty Sybaılas jemqorlyqqa qarsy is-qımyl agenttigi dereý sharalar qabyldap, ádil sheshimin shyǵarýǵa sep bolyp jatady. Árıne mundaı jaǵdaıda qoǵamda senim ornaıdy. Sol sebepti jýrnalıster mundaı olqylyqtardy jarııalaýda batyl bolýy kerek», - dedi basylym basshysy.

Sońǵy jańalyqtar

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Uqsas jańalyqtar