Qazaqstan • 02 Maýsym, 2020

Bıyl 1 mln 220 myń adamdy jumyspen qamtý josparlanǵan

14 ret kórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda QR eńbek jáne halyqty áleýmettik qorǵaý mınıstri Birjan Nurymbetov «Eńbek» memlekettik baǵdarlamasynyń iske asyrylý barysy týraly baıandap berdi. Bul týraly primeminister.kz habarlady.

B. Nurymbetov atap ótkendeı, koronavırýs pandemııasyna qatysty jarııalanǵan tótenshe jaǵdaı sheńberinde, sózsiz, eńbek naryǵyndaǵy jaǵdaı aǵymdaǵy jyldyń ekinshi toqsanynda kúrdeli boldy.

Naýryz-sáýir aılarynda jumyssyz, tabyssyz qalǵan azamattar sany 4 mln asqan. 20 sáýirden bastap karantın shekteýlerin jeńildetý sharalaryna baılanysty, nysandardyń kezeń-kezeńmen jumysqa kirise bastaýynyń yqpalymen bul kórsetkish mamyr aıynda 1 mln adamǵa tómendedi.

«Úkimet tarapynan ekonomıkany jańǵyrtý, onyń ishinde jumyspen qamtýǵa basa nazar aýdarý shilde aıynan bastap eńbek naryǵyndaǵy jaǵdaıdy turaqtandyrýǵa múmkindik beredi dep sanaımyz», — dedi Birjan Nurymbetov.

Mınıstrdiń aıtýynsha, nátıjesinde, jyl aıaǵynda jumyssyzdyq deńgeıi 6,1% bolýy yqtımal.

Bul rette ol aǵymdaǵy jyly 1 mln 220 myń adamdy jumyspen qamtý sharalarymen qamtý josparlanǵanyn aıtty.

«Oǵan ekonomıkany, bıznesti qoldaý sharalarynyń barynsha jumys oryndaryn saqtap qalý múmkindigi jáne barlyq memlekettik baǵdarlamalar sheńberinde jańa jumys oryndaryn qurý áleýeti tolyǵymen paıdalanylady», — dedi Birjan Nurymbetov.

Onyń ishinde jańa «Jumyspen qamtýdyń jol qartasy» aıasynda 255 myń jumys oryny qurylmaq.

Búginde Jol kartasyna kirgen 6,5 myń jobanyń 5,3 myń jobasy bastalyp, 103 myń jumys orny ashyldy, 91 myń adam tartyldy. Onyń 35% - jastar.

Jol kartasy boıynsha jumystar qarqyny maýsym aıynan bastap tıisti deńgeıde oryn alady.

B. Nurymbetov atap ótkendeı, Jol kartasyn iske asyrýdyń jan-jaqty áleýmettik–ekonomıkalyq oń áseri bar.

Jobalarǵa qatysatyn 255 myń adam 210 mlrd teńge somasyna jalaqy men áleýmettik tólemder alady. Ol óz kezeginde 1 mln jýyq adamnyń tabysyna áser etedi. 

Jol kartasy aıasynda otandyq kásiporyndarǵa 700 mlrd teńge kóleminde qoldaý kórsetiledi, 23 myńnan astam orta jáne shaǵyn bıznes sýbektileri tapsyrys alyp, keminde myńdaǵan jumys ornyn saqtap qalady.

Sonymen qatar bolashaqta halyqtyń ıgiligine tıetin, áleýmettik aktıv bolyp qalatyn 615 jańa nysan qurylysy iske asrylyp, halyqtyń ómir súrý sapasyna qatysty kóptegen áleýmettik máseleleriniń sheshilýine ákeledi.

«Jol kartasynyń» jobalary aldaǵy ýaqytta mejeles salalarda 100 myńnan astam turaqty jańa jumys oryndaryn qurýǵa negiz qalaıdy.

Basqa memlekettik baǵdarlamalar aıasynda búginde qosymsha 93,4 myń jańa jumys orny quryldy. Negizgi úlesi «Nurly jer», «Bıznestiń jol kartasy», «Agroónerkásip keshenin damytý», «Sıfrlyq Qazaqstan» baǵdarlamalarynyń enshisinde. Qurylǵan jumys oryndardyń basym bóligi qurylys, saýda jáne aýyl sharýashylyǵy salalaryna tıesili bolyp otyr. Jyl aıaǵyna deıin atalǵan baǵdarlamalar boıynsha barlyǵy 364 myń jumys orny qurylady.

Eńbek mınıstri «Eńbek» memlekettik baǵdarlamamyn iske asyrýǵa 2020 jyly barlyǵy 176 mlrd teńge qarastyrylǵanyn aıtty.

«Jyl basynan beri 225 myń adam baǵdarlama qatysýshysy boldy, onyń ishinde jergilikti jumyspen qamtý ortalyqtary arqyly 184 myń adam jumysqa ornalastyryldy, onyń ishinde 99 myńy turaqty jumysqa ornalasty», — dedi Birjan Nurymbetov.

6 myńnan astam adamǵa bıznesin damytýǵa shaǵyn nesıeler men granttar berildi.

Elektrondy eńbek bırjasy arqyly 97 myń adam jumysqa ornalasty, onyń ishinde 46 myńy turaqty jumysqa ornalasty.

Aǵymdaǵy jyly baǵdarlamanyń barlyq quraldary arqyly 600 myń adamdy jumyspen qamtý sharalaryna tartý josparlanýda. 13 myńnan astam jobaǵa jeńildetilgen shaǵyn nesıe berý kózdelgen.

Jumyssyz azamattarǵa, birinshi kezekte jastarǵa eńbek naryǵynda óz orynyn tabýǵa qoldaý retinde baǵdarlamada kásiptik oqytýdyń birqatar túrleri qarastyrylǵan.

Jyl aıaǵyna deıin jańa kásipterdi, daǵdylardy ıgeremin degen 100 myńnan astam jumyssyz azamattarǵa osyndaı múmkindik beriledi. 

Jumyssyzdyqqa qatysty áleýmettik qorǵaý sharalarynyń biri - memleket tarapynan sýbsıdııalanatyn jumys oryndary. Áleýmettik jumys oryndary, jastar praktıkasy, qoǵamdyq jumystar bir jylǵa deıin jumyspen qamtýǵa, jas túlekterge alǵashqy kásibı tájirıbe alýǵa múmkindik beredi.

«О́ńirlerde jalpy oryndaý qarqyny jaman emes. Josparlanǵan 211 myń jumys ornynan 40% qurylyp, 84 myń adam eńbekke ornalastyryldy», — dedi mınıstr.

 
Sońǵy jańalyqtar

Eńsesi bıik elorda

Búgin, 07:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Uqsas jańalyqtar