Qazaqstan • 02 Maýsym, 2020

«5-10-20» baǵdarlamasyna 210 mlrd teńge bólinedi

278 ret kórsetildi

Páter kezeginde turǵan azamattarǵa bastapqy turǵyn úıdi satyp alýǵa «5-10-20» sharttary negizinde Turǵyn úı qurylys jınaq banki» arqyly 210 mlrd teńge baǵyttaldy. Áleýmettik turǵyda qorǵalmaǵan 11 myń otbasy jáne iri megapolısterde jumys isteıtin 3 myń jas jalǵa beriletin áleýmettik baspanamen qamtyldy. Bul týraly salalyq mınıstrliktiń eseptik kezdesýinde Indýstrııa jáne ınfraqurylymdy damytý mınıstri Beıbit Atamkulov aıtty.

Vedomstvo basshysynyń aıtýynsha, sońǵy 3 jylda «Nurly jer» baǵdarlamasymen 36,8 mln sharshy metr turǵyn úı nemese 330 myńnan astam baspana salyndy. Bir adamǵa turǵyn úıdi paıdalanýǵa berý kórsetkishi 0,71 sharshy metrge jetti. Bul TMD elderi (Reseı - 0,54 sharshy metr, Belarýs - 0,43 sharshy metr, О́zbekstan - 0,42 sharshy metr) arasyndaǵy eń joǵary kórsetkish jáne damyǵan memleketterdiń deńgeıine jaqyn degen pikir bildirdi.

Mınıstr byltyr 13,1 mln sharshy metr jańa turǵyn úı salynǵanyn, sondaı-aq 116 myń otbasynyń páter máselesi sheshilgenin jetkizdi. Shamamen 10 myńǵa taqaý otbasy jeńil nesıe arqyly baspanaǵa ıe boldy. «Baqytty otbasy» baǵdarlamasy aıasynda 5 myń shańyraq páter aldy. Bıyl 15 mln sharshy metr turǵyn úı salý (150 myń turǵyn úı) jáne 40 myńǵa tarta otbasyny memlekettik qoldaýmen qamtý kózdelgen. Jyl basynan beri  kólemi 3,1 mln sharshy metr turǵyn úı nysandary paıdalanýǵa berildi, bul shamamen 25 myń páter.

«Bıyl Memleket basshysynyń tapsyrmasyna sáıkes, páter kezeginde turǵandardyń máselesin sheshý úshin «Shańyraq» qanatqaqty jobasyn iske qosamyz. Osy maqsatta 390 mlrd teńge qarastyrylmaq. Onyń 180 mlrd teńgesi áleýmettik turǵyn úı qurylysy saıasaty negizinde óńirlerde 15 myń páter salýǵa jumsalady. Páter kezeginde turǵan azamattarǵa «5-10-20» sharttarymen bastapqy turǵyn úı satyp alýǵa nesıe berý úshin turǵyn úı qurylys jınaq banki arqyly 210 mlrd teńge baǵyttalady», - dedi B.Atamqulov.

Spıkerdiń sózine súıensek, búginde turǵyn úı jáne óndiristik ǵımarattar, áleýmettik nysandar men ınfraqurylym qurylysyna qajetti materıaldarǵa suranys 934 mlrd teńgeni quraıdy. Otandyq kásiporyndarmen 586 mlrd teńgege qurylys ónimderi shyǵarylyp, ımport kólemi 348 mlrd teńgege jetti. Import almastyrý úshin 33 jańa joba qurylady, onyń ishinde 27 joba bıyl iske qosylmaq. Nátıjesinde sheteldik ónimge táýeldilikti 25%-ǵa tómendetip, turǵyn úı qurylysyndaǵy jergilikti mazmundy 90%-ǵa deıin arttyrý josparlanǵan.

Budan basqa, mınıstr Prezıdenttiń turǵyn úı saıasatyn júzege asyrý aıasynda ákimdikterdegi kezek júıesin reformalaý jáne «turǵyn úıge muqtaj» uǵymynyń naqty talaptaryn ázirleý jumystary qolǵa alynatynyn aıtty. Sonymen qatar «Turǵyn úı qurylys jınaq bankiniń» rebrendıngin iske asyrý maqsatynda «Otbasy» bankin qurý kózdelip otyr.

Sońǵy jańalyqtar

Jańa maýsymdaǵy ózgerister

Fýtbol • Búgin, 07:37

Qaterli maýsym

Álem • Búgin, 07:26

Hakim armandaǵan tolyq adamnyń úsh qasıeti

Rýhanııat • Búgin, 07:20

Dosjan haziret kesenesi jóndelip jatyr

Rýhanııat • Búgin, 07:10

Tilsiz jaýdyń taqsireti

Aımaqtar • Búgin, 07:08

Baǵynyshty qyzmetkerdiń kesiri...

Saıasat • Búgin, 07:03

Saılaýǵa daıyndyq barysy talqylandy

Saıasat • Búgin, 06:55

Abaımen «ýlanǵan» adam (Esse)

Abaı • Búgin, 06:53

Tegin dári-dármek kimge tıesili?

Medısına • Búgin, 06:50

Jergilikti úles 90%-ǵa jaqyndady

Qoǵam • Búgin, 06:47

Sharapaty mol «Shet-Kómek»

Ekonomıka • Búgin, 06:39

Eginge oraq erte tústi

Qoǵam • Búgin, 06:33

Jezqazǵanǵa gaz jetkende...

Ekonomıka • Búgin, 06:31

«Inter» – jartylaı fınalda!

Sport • Búgin, 02:50

Tashkent tragedııasy

Sport • Keshe

Uqsas jańalyqtar