RÝHANI QOLDAÝDYŃ DA MAŃYZY ZOR

29 qańtardaǵy el Pre­zı­denti N.Á.Nazarbaevtyń Joldaýyna rýhanı qoldaý retinde oblystyq “Abýd Hamıd Qattanı” meshitinde keńeıtilgen májilis bolyp ótti. Oǵan aýdan, qala ımam­dary qatysty. Dástúrli Jol­daýdyń keń kólemde nası­hattalýyna, sondaı-aq aýdan, qala meshitterimen qa­tar, aýyl okrýgi, eldi meken meshit­terinde juma namazdarynyń ýaǵyzdary arqaý bolýda. Osy Joldaý aıasynda qala meshitterinde ımamdar arasynda arnaıy májilis ótkizildi. Kezdesý bary­syn­da Elbasynyń kezekti Jol­daýyndaǵy ómir, bilim, ǵy­lym, saıasat, el ishindegi bir­lik-bereke, ulttar men ulys­tar arasyndaǵy tatý-tátti ómirdi qalyptastyrý jáne nyǵaıtý, t.b ózekti másele­ler týraly jan-jaqty aı­tyldy. El halqynyń 70 paıyz­dan astamy musylmandar ekeni belgili. Qasıetti Qu­ran Kárimniń Hýjrat súre­sindegi 10 aıatynda: “Shyn máninde musylmandar bir-bi­rine baýyr”. Hazreti Muham­med (s.ǵ.s.) paıǵambarymyz da hadıs shárip­terinde “Musylman – musylmanǵa baýyr”, deıdi. Meshitterdegi ýaǵyzdarda elimizdegi etnostardyń bir­ligi men yntymaǵyna úlken mán beriledi. О́ıtkeni, yn­ty­maǵy men birligi kúshti el ǵana qandaı qıyndyqty bol­sa da jeńedi. Allaǵa shú­kir, ótpeli kezeńniń qıyn­shylyqtary artta qaldy. El ekonomıkasy aıaǵynan tu­ryp keledi. Halyqtyń tur­mys jaǵdaıy men ál-aýqaty da birtindep jaqsara túsýde. Bizder – din ókilderi de jas memleketimizdiń táýel­siz­dik jolyndaǵy uly mu­rat­tarynan tys qala almaı­myz. Osyǵan baılanys­ty qazirgi tańda, ásirese, eldiń rýhyn kóterip, otanshyldyq sezi­min oıatý, kúsheıtý qajet. Sóıtip, asyl dinimiz arqyly da erteńgi kúnge – Qazaq eliniń bolashaǵyna, ulttyq birligimizdi nyǵaıtýǵa qyz­met ete alamyz. Bizder ıslam dinin túrli saıası maqsatqa paıdalanǵy­sy keletin­derge jol bermeı, ári olardyń jeteginde ket­peı, birtutas Qazaq­stan úshin jumyla judyryq bo­lyp, dinder arasyn­daǵy tú­si­nistikke, únqatysýǵa jol ashyp, jikshildik pen fana­tızmge tos­qaýyl bolýymyz kerek. Sonda bizdi alar jaý bolmaıtyndyǵy sózsiz. Elimiz ben Elbasymyz aman bolyp, Qazaqstanda máńgilik tynyshtyq, bereke-birlik or­naýyn Alla taǵala násip etsin! Ahmetjan qajy KERIMBEK, Qazaqstan musylmandary dinı basqarmasynyń OQO boıynsha ókil ımamy.