Murat Dúısenbekuly sonymen qatar, «Shymkent Sıtı» men «Turan» shaǵyn aýdandarynda memlekettik bıýdjet esebinen salynyp jatqan úılerdiń qurylysyn aralap shyqty.
Shahar basshysy qurylys jumystarynyń qandaı sapada júrgizilip jatqanyn baqylap, merdigerlerge jumysty jandandyrýdy jáne qurylysta otandyq materıaldardy paıdalanýdy mindettedi. Sondaı-aq, jaýapty sala basshylaryna ınfraqurylym máselesin kesheýildetpeı tez sheshýdi tapsyrdy.
Jalpy megapolıste bıylǵy jyly «Nurly jer» memlekettik baǵdarlamasy aıasynda jáne «7-20-25» baǵdarlamasymen, barlyq qarjy kózderi esebinen 13 636 páterli 252 kópqabatty turǵyn úıdiń qurylysy júrgizilýde. Olardyń jalpy aýdany bir mıllıon sharshy metrdi quraıdy. Onyń ishinde, 78 turǵyn úı bıýdjet, 48 úı «Shymkent» ÁKK» AQ jáne 126 úı jeke salýshylar esebinen júrgizilip otyr.
Aǵymdaǵy jyly 136 kópqabatty turǵyn úı nemese 7561 páter paıdalanýǵa beriledi.
Shymkent
