Qoǵam • 03 Maýsym, 2020

Tastúıin

11 ret kórsetildi

Elimizdegi óńdeý ónerkásibiniń qýatty salasy «AgromashHoldıngKZ» jáne «SaryArqaAvtoProm» mashına jasaý zaýyttaryna Úkimet basshylary, mınıstrler, sheteldik qonaqtar jıi at basyn burady. Sonda zaýyt basshylary – er azamattardyń arasynda qazaqtyń tastúıin, almastaı ótkir qara qyzy júredi. Jáne de zaýyt jaǵdaıyn, shyǵarǵan ónimderi men ekonomıkalyq máseleler jóninde kóbine sol qyz aıtyp beredi.

Aýyl sharýashylyǵy tehnı­kalarynyń tıimdiligi, artyq­shy­­lyǵy, qurastyrylatyn ma­shı­nalar jumysynyń jergi­lik­­­ten­di­rilý kólemin ulǵaıtý, qo­sal­­­qy bólshekteriniń servısin uıym­­dastyrý deısiz be, málimettiń bar­lyǵyn júıe-júıesimen jaıyp salady. О́zine óte senimdi ári áńgi­me­le­sip turǵan adamdardy úıirip, aýyzyna qaratady. Mundaı kezde «AgromashHoldıngKZ» aksıo­nerlik qoǵamynyń vıse-prezı­denti Dınara Shúkijanovanyń máli­metterin aıyzy qanyp tyń­da­ǵan delegasııa músheleri de, antalap aqparat ańdyǵan jýrnalıster de ylǵı er azamattardyń arasyndaǵy jalǵyz áıeldiń tehnıka jaǵdaıyn sonshalyqty jaqsy biletinine, onyń tehnıka shyǵaratyn zaýyt bas­shy­lyǵynda júrgenine tań­da­nyp ta qalar edi. Iri óndiristiń na­ryq­taǵy kemesin baǵyttap otyrý, qaırańdap qalmaýyn aldyn ala oılastyrý da ońaı sharýa emes. Qa­ǵilez qyz zaýytpen áriptes bolýdy oılaǵan sheteldik iri kompanııalarmen kelisimder jasaýda da utymdy qadamdar jasap keledi.

Negizi adam minezi júre kele ózgermeıdi, ol týa bitedi. Dınara Aman­jolqyzyn biletinder osy oıǵa toqtaıdy. Ol bala kezinen shı­raq boldy. Mektepti «Altyn belgimen», A.Baıtursynov atyn­daǵy Qostanaı memlekettik ýnı­ver­sı­tetin jáne Halyqaralyq bıznes ýnıversıtetin «qyzyl dıplommen» bitirdi. Qostanaı ýnıversıtetin bitirgen soń, «Nur Otan» partııasy ob­lystyq fılıalynyń Sokolov-Sa­rybaı ken óndirý birlestigi aýdan­dyq uıymynda marketıng bóli­miniń mamany qyzmetinen bas­ta­­dy. Az ýaqyt bolsa da Qostanaı qa­­la­lyq ákimdiginde bas maman bolyp istep, tájirıbe jına­dy, ysyldy. Amerıka Qurama Shtat­ta­ryna barǵan saparynan soń, Dınara ózin kásipkerlikten kórgisi kel­di. «AgromashHoldıngKZ» ak­sıo­­nerlik qoǵamyna baspasóz hat­shysy bolyp kelgende, Dına­ra­nyń ýnıversıtetti bitir­genine eki jyl ǵana bolǵan edi. Sol eki jyldyń ózinde jas qyz talmaı izdenýmen boldy. Ol qandaı ju­mys­ta bolsa da oǵan asa kóńili tu­raq­­tamaıtyn, óziniń múmkindigin tolyq paıdalanbaǵandaı, ornyn tappaǵandaı sezim bıleıtin. Al mashına jasaý zaýytyndaǵy jańa qyzmetke ol qulshyna kiristi, óziniń bul jumysty alyp kete alatynyna tolyq sendi. Áńgime buqaralyq aqparat quraldarymen jumysta emes, túpki maqsat, qyzmettiń maz­muny jańa kásiporynnyń ju­my­syn jolǵa qoıý, óniminiń sapasyn kópshilikke taratý, ótkizý bolatyn. Bizge naryqtyń sońyn ala kelgen marketıng mamandyǵynyń qyr-syry Dınaraǵa málim, ol muny kez kelgen óńdeý kásipornynyń bolashaǵymen baılanystyratyn.

Degenmen oǵan alǵashqyda bar­­ly­ǵy da ońaı boldy desek, ar­tyq­taý ketermiz, sirá. Dınara kelgen­de «AgromashHoldıngKZ» zaýy­ty kombaın qurastyrýdy endi bas­ta­ǵan edi. Zaýyt prezıdenti ony sehqa ákeldi de, «Sen aldymen bul jer­den ne shyǵatynyn, ol qalaı óndi­riletinin bilýiń kerek. Mine, mehanıkalyq seh, kombaın da, tuqym sep­kish te, gal­vanıka da – bári osyn­da. Osylardyń ár teti­gin bilýiń kerek, saǵan bir apta ýa­qyt beremin» dedi de ke­tip qal­­dy. M­a­­shı­na ja­­saý tek Qos­­­tanaı úsh­in ǵana emes, jalpy eli­miz eko­­no­mı­ka­­syn­da­­ǵy jańa sala. Aýyl shar­ýa­­­sh­ylyǵy teh­nı­­­ka­la­­ry­­nyń ár tetigin bilý úshin mehanıkter men ın­­je­nerler 4-5 jyl ba­syn qatyryp oqymaı ma? Prezıdent bolsa oǵan bir apta ýaqyt ber­di. Júzý bil­meıtin adamdy te­ńiz­ge laqtyryp ji­bergendeı kúı keshti, zaýyt bas­shy­synyń artynan sos­­­­tıyp qarap turyp qaldy. Biraq boıyn tez jınap aldy, «qaıtsem de osy sehtan bárin de bilip shyǵamyn» degen ózine ishteı tastúıin sózin de berip úlgerdi.

Árıne oǵan ońaı bolǵan joq, seh­taǵy bir maman túsindirse, ekin­­shisi «basymdy qatyrma» dep qýyp jiberdi. Eki apta shama­syn­da «emtıhan» tapsyrdy. Dál ınjenerdeı bolmasa da, shamalapty, mehanıkalyq sehtaǵy quras­tyrylyp jatqan aýyl shar­ýa­­shy­ly­ǵy tehnıkalarynyń tetik­te­rin jatqa soqty. Kóz maıyn ta­ýys­qan eńbegi janǵandaı boldy, bi­raq...

– Men maman retinde kásipo­ryn­ǵa qajettigimdi basshylarǵa dá­lel­­deý úshin bir jyldaı ýaqyt kerek boldy. Sebebi ol kezde baspa­sóz hatshysy degen qyzmettiń iri óndiristerge endi enip jatqan kezi, kóbine túsiniksiz bolǵan shy­ǵar. Ekinshiden, basshylyqtaǵy er kisiler maǵan bilikti maman re­tinde emes, áıel dep qarady. Teh­nı­ka júrgen jerde áıel emes, er adam júrýi tıis degen qatyp qal­ǵan túsinik sheńberinen olar da ýaqtyly shyǵa almady, – deıdi Dınara Amanjolqyzy. Bir isti qolyna alsa, aıaǵyna deıin jet­kiz­beı qoımaıtyn taban­dy­ly­ǵy Dınarany tek jeńis jolyna je­te­ledi. Ol mashına jasaý isin­degi basshylarmen, mamandar­men túsi­nisý, jumys qarym-qatynasy má­denıetin jolǵa qoıý úshin ýa­qy­ty­nyń basym bóligin sart-surt etip jatatyn sehtarda ótkizdi.

Zaýyt birden búgingi qalypqa kelgen joq. Qıyndyqtardyń barlyǵynan da ótti. Tipti alǵa basa almaı, keıin sheginýge jol qalmaı, ańtarylǵan kez de bolmaı qalǵan joq. Zaýyt basshylary kimniń kim ekenin osyndaı sátterde tanydy. Kreatıvtik bastamalardy jıi kóteretin Dınaraǵa kásiporynnyń kadr bólimi senip tapsyryldy. Ol aldymen kásiporynda óziniń komandasyn qurdy. «Jalǵyz aǵash orman emes», qansha bilikti bolsa da bir adam eshteńe de sheshe almaıdy.

– Men komandamdy jınaǵanda kóp oılandym. Maǵan birazy mamandardy ortalyqtan shaqyrýdy us­yndy. Biraq olar bizdiń áli qar­jysy joq kompanııa úshin qym­batqa túsetin edi. Sondyqtan men komandama ózim sııaqty bul sa­lanyń mamany emes, biraq óz be­tinshe oqýdan jalyqpaıtyn, ózine óte jaýapty, aldyna maqsat qoıa alatyn adamdardy jınadym. Bizdiń komandanyń óndiristen shyqpaı, osynda túnegen sátterimiz jeterlik. Mamandar jınaǵanda olardy tańdaýdan qatelespeppin, negizi adam tanıtyn qabiletim bar. О́zimniń tańdaǵan komandammen jeti jyldan beri jubymyz jazylmaı birge kelemiz, – deıdi Dınara.

 Bilikti mamandar jetispeıtin kásiporyn qandaı ónim shyǵaryp, ýaqytqa ilese alýshy edi? Ol kezde jańa salaǵa eńbek naryǵynan daıyn ınjener-mamandar tabý shómeleden ıne izdeýmen birdeı bolatyn. Sondyqtan Dınara bastaǵan komanda korporatıvtik ýnıversıtet qurý kerektigin kóterdi. Onyń syrtynda tehnıkalardy qurastyrý isin jergiliktendiretin, ıaǵnı olar­dy boıaıtyn, dánekerleıtin, usaq jumystaryn atqaratyn 500 bilikti maman-jumysshyny tabýdy maqsat etip qoıdy. Kósheden kim kóringendi taǵy alýǵa bolmaı­dy. Iri kásiporyndardaǵy ju­mys­­shylarmen áńgime júrgizdi, Ýk­raınaǵa baryp, bankrot bolǵan zaýyttardyń jumysshylaryn shaqyrý úshin «Kimge jumys kerek?» dep, plakat ustap turǵan kezderi de boldy.

– Jınaǵan jumysshylardy «ÝAZ», «AvtoVAZ» sııaqty Re­seı­diń iri zaýyttarynda bir qaı­tara oqytyp aldyq. Jumys­shy­larym zaýytta oqýda bolǵanda, men sol zaýyttyń basqa sehta­ryn aralap ketemin de, maman jumysshylaryn birtindep Qos­ta­naı­ǵa jumysqa shaqyrdym, osyndaı qýlyqqa da bardyq, – deıdi Dınara ótken kúnderdi eske alyp. Az jylda-aq qurastyrǵan aýyl sharýashylyǵy tehnıkalary elimizdiń dıqandaryn qamtamasyz etken «AgromashHoldıngKZ» zaýyty jumysynyń jandanýyna Dınara komandasynyń qosqan úlesi az emes. Ylǵı kreatıvti oılaıtyn jastar ózderi jasaǵan ár qadamy zaýytqa tek paıda keltirýi kerek degen ustanymmen jumys isteıdi.

– Syrttan maman shaqyrý óte qymbat. Biz ózimizdiń kadr­lar­dy ósirýdi maqsat etemiz. Syrt­tan kelgen bir adamǵa qarjy shash­qansha, ózimizdiń on mamanǵa tóle­genim artyq. Mysaly, bizdiń zer­ger deńgeıindegi keremet dáne­ker­leý­shilerimiz bar, solar ózimizdiń jumysshylardy úıretedi, olarǵa sarańsymaı, ústemeaqy tólep otyramyz. Jumysty uıymdastyra bilseń bilikti mamandar óz aramyzdan shyǵady. Syrttyń jylty­ra­ǵyna qyzyǵý – osaldyq, óıtkeni ol saǵan qarjyǵa, qymbatqa túsedi, óz sorpańa piskendeı qaıdan bol­­­syn. Al jumysqa bar yntasyn salmaıtyn, álsizdermen biz jyl­­dam qoshtasamyz, bir kún de usta­maı­myz, – deıdi Dınara taq-taq sóıleıtin ádetimen.

2016 jyly Dınara Shúkijanova 32 jasynda «AgromashHoldıngKZ» aksıonerlik qoǵamy basqarmasynyń damý jónindegi dırektory, odan kóp ýaqyt ótpeı-aq birinshi vıse-prezıdent laýazymyna kóterildi. Búginde qarshyǵa minez qyz tutas kompanııa qamyn oılaıdy, ju­mys­shylarǵa jaǵdaı jasaýy, zaýyt­tyń ónimi naryqty bıleýi úshin ja­ýapty jumystar atqarady. Dına­ra jaýapkershilikti basty oryn­ǵa qoıady. Kez kelgen basshyda ja­ýap­­kershilik bolǵanda ol aldymen izdenedi, oqıdy, tájirı­besin mo­laı­tady, biliktiligin shı­ra­tady jáne jumysshylarǵa qamqor­lyq­pen qaraıdy. «Jumys­shylarǵa qalaı jaǵdaı jasasań – olardan qaı­tarym da dál solaı bolady». Basshy Dınaranyń ustanymy bul. Jaýapkershilik bar jerde ar-uıat ta, qyzmettegi tazalyq ta bar. Eldi, jerdi súıýdiń de túp negi­zi jaýapkershilikte jatyr. «Otan­dy súıý – ımannan» degen sózdiń tór­ki­ni de osy bolsa kerek.

Elimiz ekonomıkasyndaǵy eń bir tutqaly mashına jasaý salasynyń damýyna osylaı ter tógip júrgen Dınaranyń sútteı uıyǵan otbasy bar, joldasy onyń talabyn qoldap, árqashan kómegin aıamaıdy, qyzǵaldaqtaı qyzy ósip keledi. «Úı salsam, esiktiń aldyna jıdek egip, tańqýraı tersem» degen oı da jumys arasynda jıi esine túsedi. Otbasynyń berekesin oılaǵan, ózi qazyǵyna aınalǵan ár áıeldiń armany da bul. Ol dostaryna «qo­lym­nan kelmeıtindi armandamaımyn» dep ázildeıdi. Dınaranyń tulǵasy bolar eldiń jastary úlgi tutar betperde derlik. Onyń esimin «Qazaqstannyń 100 jańa esimi» qata­rynan kórgende osyndaı oı túı­dik.

 

 

QOSTANAI

 

Sońǵy jańalyqtar

Altyn quımasyna degen yqylas artyp barady

Ekonomıka • Búgin, 14:15

Brazılııada vırýs basylmaı tur

Koronavırýs • Búgin, 13:50

Dańqty basketbolshy 61 jasqa tolady

Sport • Búgin, 13:40

Pandemııa tyrnaǵy qatty batqan el

Álem • Búgin, 13:25

Ury alystan kelmepti

Aımaqtar • Búgin, 10:15

El ishindegi ózekti máseleler eksheldi

Aımaqtar • Búgin, 09:59

Shashtan shahmat tasyn jonady

Tanym • Búgin, 07:44

Onlaın-sórede – oıly kitaptar

Rýhanııat • Búgin, 07:42

Áýlıeatalyqtar asarlatyp úı salýda

Aımaqtar • Búgin, 07:36

Qaıran aýa, qymbattap barasyń ba?

Rýhanııat • Búgin, 07:29

Jaman tumaýmen jaǵalasý kúsheımek

Aımaqtar • Búgin, 07:26

Dárigerlerge kólik syılady

Oqıǵa • Búgin, 07:17

Aqmolalyq dıqandar alqapqa shyqty

Qoǵam • Búgin, 07:14

Kenjelegen salany kóteretin kúsh qaıda?

Ekonomıka • Búgin, 07:13

Sońǵy pasıent úıine qaıtty

Qoǵam • Búgin, 07:05

Kúltóbeden ejelgi Hanaka tabyldy

Oqıǵa • Búgin, 06:59

Jamantaýdy joǵaltyp almaıyq

Rýhanııat • Búgin, 06:50

Senat depýtattary saılandy

Saılaý • Búgin, 06:48

Ádepti ádemi ustaz

Rýhanııat • Búgin, 06:47

Uqsas jańalyqtar