Sharaına
AQSh pen Ońtústik Koreıa soltústikkoreıalyq ıadrolyq qaterge tejeý salý týraly kelisimge qol qoıdy. Qujatta Koreıa túbeginde kútpegen oqıǵa bola qalǵan jaǵdaıdaǵy is-qımyldar jospary kórsetilgen.
Soltústik Koreıanyń ıadrolyq jáne basqa da jappaı qyryp-joıatyn qarýlar qoldanýyna tejeý salýdyń arnaıy strategııasy atty qujatqa Seýlde ótken qaýipsizdik jónindegi kezekti kezdesý qorytyndysynda eki eldiń qorǵanys mınıstrleri qol qoıǵan. Al Koreıanyń Eńbek partııasynyń basshylyǵy bul kelisimdi qylmystyq qujat dep baǵalap, ol kúshinde turǵanda eki Koreıa arasyndaǵy qarym-qatynastarda qandaı da bir alǵa basýdy kútýge bolmaıtynyn atap kórsetken.
Sharaına
AQSh pen Ońtústik Koreıa soltústikkoreıalyq ıadrolyq qaterge tejeý salý týraly kelisimge qol qoıdy. Qujatta Koreıa túbeginde kútpegen oqıǵa bola qalǵan jaǵdaıdaǵy is-qımyldar jospary kórsetilgen.
Soltústik Koreıanyń ıadrolyq jáne basqa da jappaı qyryp-joıatyn qarýlar qoldanýyna tejeý salýdyń arnaıy strategııasy atty qujatqa Seýlde ótken qaýipsizdik jónindegi kezekti kezdesý qorytyndysynda eki eldiń qorǵanys mınıstrleri qol qoıǵan. Al Koreıanyń Eńbek partııasynyń basshylyǵy bul kelisimdi qylmystyq qujat dep baǵalap, ol kúshinde turǵanda eki Koreıa arasyndaǵy qarym-qatynastarda qandaı da bir alǵa basýdy kútýge bolmaıtynyn atap kórsetken.
Lıvııa túrmelerindegi azaptaýlar tyıylar emes
2011 jyly Mýammar Kaddafı rejimi qulatylǵannan keıin Lıvııa túrmelerinde kem degende 27 adamnyń azaptap óltirilgeni belgili bolyp otyr. Bul týraly BUU-nyń Lıvııany qoldaý jónindegi mıssııasy men BUU-nyń Adam quqyqtary jónindegi joǵarǵy komıssary ofısiniń birlesken baıandamasynda habarlanǵan.
Baıandamada el basshylyǵynyń penıtensıarlyq júıeniń qalypty jumysyn jolǵa qoıýǵa talpynys jasaýyna qaramastan, jergilikti túrmelerde qamaýda otyrǵandardy azaptaý jaǵdaılarynyń keń tarap ketkendigi atap kórsetilgen. Mundaı jaǵdaıdyń oryn alýynyń basty sebebi, Lıvııadaǵy kóptegen túrmelerdiń formaldi túrde úkimet baqylaýynda dep eseptelgenimen, is júzinde olardy burynǵy janjaldardan keıin qalǵan qarýly toptardyń basqaratyndyǵynda bolyp otyr.
Polısııa Mýrsı jaqtastaryn qýyp taratty
Egıpette polısııa «Musylman baýyrlardyń» el astanasyndaǵy Tahrır alańyn basyp almaq bolǵan talpynysynyń jolyn kesti.
Jergilikti BAQ-tardyń habarlaýynsha, ıslamısterdiń shaǵyn toby aldymen taıaý ornalasqan kóshelerge jınalyp úkimetke qarsy urandar kóterip, úılerdiń qabyrǵalary men dúkenderdiń vıtrınalaryna jazýlar jaza bastaǵan. Biraq bul áreket jergilikti turǵyndar men satýshylarǵa unamaı qalyp, olardyń arasyndaǵy kelispeýshilikter sońy qatty qaqtyǵystarǵa ulasady. Osydan soń oqıǵa bolǵan jerge polısııa otrıadtary kelip, olar tártip buzǵandardyń beseýin qolǵa túsiredi. Osy oraıda, Egıpet sotynyń «Musylman baýyrlar» uıymynyń kez kelgen qyzmetine tyıym salǵanyn aıta ketý qajet.
Áýejaıdaǵy jarylystyń aldyn aldy
Amerıkanyń Florıda shtatyndaǵy Djeksonvıll qalasynyń áýejaıynda polıseıler eki «kúmándi zatty» taýyp, zalalsyzdandyrǵan. Sonyń saldarynan júzdegen adamdy qaýipsiz jerlerge kóshirýge týra kelgen.
Qazirgi ýaqytta áýejaı jumysy qaıta qalpyna keltirildi. Oqıǵanyń sebebin anyqtaýmen federaldyq tergeý bıýrosy aınalysatyn bolady. Sál burynyraq áýejaı ákimshiligine termınaldardyń birinen kúmándi zat tabylǵany týraly habar túsken eken. Sonymen birge, quqyq qorǵaý organdarynyń qyzmetkerleri tabylǵan zattardyń kúıretýshilik sıpatqa ıe ekenin de atap kórsetken.
Madýro reseılikter usynysyn qoldaıdy
Venesýela prezıdenti Nıkolas Madýro Reseı prezıdenti Vladımır Pýtındi Nobel syılyǵyna usyný jónindegi bastamaǵa qoldaý bildirdi. Onyń aıtýynsha, Reseı basshysynyń is-qımyly álemdi Sırııadaǵy soǵystan saqtap qaldy.
Eger osynaý tarıhı sátte kim de kim Nobeldiń beıbitshilik syılyǵyna laıyq bolsa, ol Sırııa halqyna qater tóndirgen soǵysty toqtatýǵa kómek kórsetken prezıdent Vladımır Pýtın dep atap ótken Madýro. Osyǵan deıin Memlekettik dýma depýtattary men qoǵam qaıratkerleri Reseı prezıdenti Vladımır Pýtındi Nobeldiń beıbitshilik syılyǵyna usynǵan bolatyn. Depýtat Iosıf Kobzonnyń aıtýynsha, Reseı memleketiniń basshysy bul ataqqa amerıkalyq kóshbasshy Barak Obamaǵa qaraǵanda áldeqaıda laıyq.
Investorlar Geıtstiń ketýin talap etýde
Microsoft korporasııasynyń birqatar iri ınvestorlary Bıll Geıtstiń dırektorlar keńesiniń tóraǵasy laýazymynan ketýin talap etýde.
Reıter agenttiginiń málimetterine qaraǵanda, kompanııanyń 20 iri salymshylarynyń esimderi atalmaǵan 3 ınvestory dırektorlar keńesinde osyndaı sheshimniń qabyldanýyna kúsh salýda. Jıyntyǵynda kompanııanyń 5 paıyzdan astam aksııalaryna ıe ınvestorlardyń pikirinshe, Geıts osy laýazymda otyryp alyp Microsoft-ty damytýdyń jańa strategııalaryn qabyldaýǵa kedergi keltirýde. Onyń syrtynda ınvestorlar kompanııa aksııasynyń 4,5 paıyzyna ıe jáne asa iri jeke ınvestor bolyp sanalatyn Geıtstiń ókilettigi onyń kompanııadaǵy úlesine sáıkes kelmeıdi dep esepteıdi.
Jerge eki tonnalyq spýtnık qulamaq
2014 jyldyń 1 qańtarynda salmaǵy shamamen 1,7 tonna bolatyn reseılik «Molnııa» spýtnıgi Jerge qulaıdy. Taıaýdaǵy bes jylda osy úlgidegi taǵy jeti apparat orbıtadan shyǵatyn bolady, delingen «Vympel» konserniniń baıandamasynda.
Mamandardyń esebinshe, Jerge 2003 jyly ushyrylǵan №3-45 «Molnııa» qulaýy tıis. Odan keıin, ıaǵnı 2015 jyldyń tamyzynda 1978 jyly ushyrylǵan apparat, al 2016 jyly 2003 jyly ǵaryshqa shyǵarylǵan eki spýtnık Jerge qulaıtyn bolady. Apparattardyń dál qaı jerge túsetini aıtylmaı otyr.
Internet materıaldary negizinde ázirlendi.
