Bıylǵy baıqaýdyń ereksheligi jumystar elektrondy túrde qabyldanyp, nátıjesi onlaın formatta tanystyryldy. Baıqaýǵa kelip túsken júzge jýyq shyǵarmalar men esselerdiń jeńimpazdary «Abaı - álemdik mádenıettiń tulǵasy», «Uly dalanyń jeti qyry», «Ál-Farabı murasy - aqyl oıdyń marjany», «Uly jeńiske taǵzym, «Gazet, álde ınternet?», «Kósemsóz qudyreti», «Mýltımedıa jýrnalısiniń bir kúni» nomınasııalary boıynsha I, II, III dárejeli dıplomdarmen marapttalyp, kitaptar syıǵa tartý etildi.
Elimizdiń barlyq óńirlerinen jýrnalıst mamandyǵyn tańdaǵan talapkerler «Jas tilshiler forýmy» aıasynda ótetin shyǵarmalar, esseler, foto, aýdıo, vıdeomaterıaldar men grafıkalyq týyndylaryn baıqaýǵa jiberýge asyǵady. Talapkerlerdiń shyǵarmashylyq áleýetin synaıtyn bul baıqaýdyń óz tarıhy, dástúri bar. Osydan 45 jyl buryn 1975 jylynyń mamyr aıynda alǵash ret respýblıkalyq «Jas tilshiler» sleti Ortalyq Komsomol Komıtetiniń uıymdastyrýymen ótti. Sol jyldary Qazaqstan Respýblıkasynyń Ortalyq Partııa Komıtetiniń Nasıhat jáne úgit bóliminiń basshysy Q. Sultanov bolatyn. Bul sharanyń bastaýyna O. Súleımenov, F. Ońǵarsynova, D. Stambekov, Sh. Smahanuly sııaqty tanymal aqyn-jazýshylar atsalysqan. Tek sońǵy on segiz jylda «Jas tilshiler forýmy» jańa formatta, zamanaýı úlgide uıymdastyrylyp, aýqymy men salmaǵy arta tústi.
Baǵdarlama aıasynda «Ulan», «Drýjnye rebıata» balalar basylymdary jýrnalısteri, «Egemen Qazaqstan», «Qazaq gazetteri» JShS, «Qazaqparat» AQ, «Qazaq radıolary» JShS, «Habar» AQ, «Qazaqstan» ulttyq arnasy tilshileri men reporterlarynyń onlaın sheberlik synyptary ótti.
Úzdik tanylǵan jas tilshiler arasynda Baýyrjan Momyshuly atyndaǵy Almaty respýblıkalyq «Jas ulan» mektebiniń 10 synyp oqýshysy. Dinıslam Egamberdıev, Almaty qalasy Nazarbaev zııatkerlik mektebi 12-synyp oqýshysy Murat Qymbat Armanqyzy, Abaı atyndaǵy Respýblıkalyq mamandandyrylǵan daryndy balalarǵa arnalǵan qazaq tili men ádebıetin tereńdete oqytatyn orta mektep-ınternatynyń 10-synyp oqýshysy Ábdibek Nuraı, Qaskeleń qalasy, Almaty oblysy Abaı atyndaǵy orta mektep-gımnazııasynyń 11-synyp oqýshysy Aısulý Sezhan, Atyraý obylysy, Saǵyz selosy Saǵyz orta mektebiniń 11- synyp oqýshysy Aralbaı Kamshat Janybekqyzy, Pavlodar oblysy Baıanaýyl aýdany, Musa Shorman aýyly, «Akademık Qanysh Sátbaev atyndaǵy mektep-balabaqsha oqý-tárbıe kesheni» kommýnaldyq memlekettik mekemesi 10 synyp oqýshysy Aýǵalı Mereı Ardaqqyzy, Túrkistan oblysy, Saryaǵash aýdany, №53 M. Ǵabdýllın atyndaǵy jalpy orta mektebiniń 11-synyp oqýshysy, Malıkajdarova Altynaı Baýyrjanqyzy, Ahmet Jubanov atyndaǵy daryndy balalarǵa arnalaǵan respýblkıalyq mektep-ınternattyń 12-synyp oqýshysy Súnádilla Nursultan Meıirbekuly sııaqty báıgeden ozyp shyqqan daryndy órenderdiń shyǵarmashylyqtary erekshe ataýǵa turarlyq.
Jeńimpazdardyń biri Altynaı Malıkajdarova: «Osydan bir jyl buryn QazUÝ-da tósbelgimdi taǵyp, qýanyshty kóńil-kúımen súıikti ustazdarymnyń batasyn alyp qaıtqan bolatynmyn. Bıyl sol ustazdarymmen onlaın júzdesý buıyrǵan eken. Bul joly da minberimnen taımaı, óz ornymdy saqtap qaldym I oryn! Eń bastysy, orynǵa iligý emes, ustazdarymmen, qurbylarymmen qaýyshý bolatyn. Buıyrǵan ketpeıdi, asyqqan jetpeıdi degen osy bolar bəlkim», - dep jazdy áleýmettik jelidegi paraqshasynda.
Bıylǵy jyly talapkerlerge «Jýrnalıstıka» mamandyǵymen qatar joǵary bilimmen soń magıstrlik «Data jýrnalıstıka», «Bıznes kommýnıkasııa», «Medıa jáne kommýnıkasııalar» PhD baǵytytarynda baǵdarlamalary boıynsha bilim alýǵa múmkindikteri bar.
