Buǵan qosa «Aýyl – el besigi» jáne «Jumyspen qamtý jol kartasy» memlekettik baǵdarlamalary aıasynda oblys aýmaǵynda jalpy uzyndyǵy 156 km bolatyn kóshe joldaryn jóndeý josparlanǵan.
Batys Qazaqstan oblysynyń ońtústik aýdandary turǵyndary taǵatsyzdana kútip otyrǵan Oral-Jánibek-Saıqyn jolynyń birneshe bóliginde jol qurylysy qyzý júrip jatyr. Ony tórt merdiger kompanııa atqarýda. Sonyń ishinde respýblıkalyq mańyzy bar Chapaev-Jalpaqtal-Qaztalov-RF shekarasy, Qaztalov-Jánibek-RF shekarasy, О́nege-Bısen-Saıqyn avtomobıl joldarynda kúrdeli jóndeý jumysy bıyl da jalǵasady. Jospar boıynsha 2021 jyldyń sońyna deıin bitýi tıis. Bul joldyń qurylysy Elbasy Nursultan Nazarbaevtyń tikeleı tapsyrmasymen qolǵa alynǵan bolatyn.
Oblys aýmaǵynan ótetin halyqaralyq Samara-Shymkent kúre jolynyń 36 shaqyrymyn ortasha jóndeý jumystary úshin de 1,6 mlrd teńge kóleminde qarajat qarastyrylǵan.
Sondaı-aq bıyl oblystyq mańyzy bar Barbastaý-Aqjaıyq-Inder avtojolyn qaıta jańartý jobasy iske asyryla bastamaq. Bórli-Aqsaı-Jympıty joldarynyń ýchaskelerin kúrdeli jóndeý jumystary jalǵasady. Oral-Kırsanov avtojolynda Báıterek aýdanyndaǵy kópirlerdi jáne «Fedorovka-Aqsaı» avtomobıl jolyndaǵy 6 sý ótkizgish qubyrdy kúrdeli jóndeý josparlanǵan. Tasqala-Aqqýraı-Bolashaq-RF shekarasy baǵytyndaǵy 96 shaqyrym jol ýchaskesinde ortasha jóndeý jumystary aıaqtalady.
Aýdandyq mańyzy bar joldar qatarynda Aqjaıyq, Syrym, Terekti, Jánibek aýdandaryndaǵy aýyldarǵa kirme joldardy kúrdeli jóndeý, sondaı-aq Peremetnoe-Syganovo, Peremetnoe-Vechnyı, Jánibek-Talovka-Kishi ózen avtomobıl joldaryn ortasha jóndeý josparlanǵan.
Kóshe-jol jelisi boıynsha 156 km joldy jóndeý josparlanýda. Oral qalasyndaǵy Munaı bazasy aýdanyndaǵy jol ótpesin qaıta jańartý jumystary jalǵasýda. Bul kópirdi merdigerler josparlanǵan ýaqytynan buryn tapsyrýǵa ýáde etip otyr. Sonymen qatar, ótken jyldyń 9 aýyspaly nysandaryn aıaqtaý josparlanǵan.
«Aýyl – el besigi» jobasy aıasynda aýylishilik joldardy kúrdeli jóndeý boıynsha 7 joba iske asyrylady.
Batys Qazaqstan
