Ulttyq bankti basqarýǵa Qaırat Kelimbetovtiń kelýimen teńge qunsyzdana ma? NUR.KZ saıty búgin osyndaı rıtorıkalyq suraqpen ashyldy.
«Ulttyq banktiń jańa tóraǵasynyń alǵashqy jumys kúninde elimizdegi aıyrbas baǵamdary asa úlken ózgeriske túsken joq. Alaıda, ekonomıster Qaırat Kelimbetov teńgeni devalvasııaǵa ushyratyp, dollardy sharyqtatady dep boljam jasap úlgerdi. Degenmen, devalvasııanyń qaı ýaqytta bolatyny týraly olardyń pikiri eki bólek. Al, buǵan deıin Qazaqstan ekonomıkasyn ár taraptandyrý úshin «klaster, 30 korporatıvti kóshbasshy, údemeli ınnovasııalyq damý» sııaqty aty basqa, mazmuny uqsas baǵdarlamalardy jıi aıtyp júrgen Qaırat Nematulynan Oraz Jandosov úlken ózgeris kútedi», - dep oı tarqatady portal odan ári.
Ulttyq bankti bes jyl basqarǵan Grıgorıı Marchenkonyń taǵaıyndala sala teńgeni bir-aq kúnde devalvasııaǵa ushyratqanyn jurt áli umyta qoıǵan joq. Ol jazǵan sonda da «dollar sharyqtamaıdy» degendi jaǵy talǵansha toqtamaı aıtyp keldi. Biraq, Marchenkony tyńdaǵan dollar bolǵan joq, AQSh-tyń aıtýly valbtasy sáýir aıynan beri ósýmen keledi. Ulttyq banktiń statıstıkasy boıynsha, kóktemnen beri kók qaǵaz 150-den 154 teńgege deıin kóterilip ketken kórinedi.
Sol sebepti Energetıka jáne ekonomıka mınıstrliginde hatshy qyzmetin atqarǵan Petr Svoık halyq teńgeniń qunsyzdanýyna ázirlene bersin degen boljam aıtady. Iаǵnı, Kelimbetov te Marchenko sekildi óz jumysyn dollardy ósirýden bastaıdy dep otyr.
«Men teńge bir kúnde devalvasııaǵa ushyraıdy dep aıta almaımyn. Biraq, baıqasańyzdar jaılap qunsyzdanyp jatyr. Bir dollar 147 teńge boldy, sosyn 150, qazir 154-ke kóterildi. Aqyryndap 170 teńgege deıin sharyqtaýy múmkin. Eger teńgeni birden qunsyzdandyryp jiberse, ekonomıkamyzdyń ózine soqqy bolýy múmkin», - deıdi ekonomıst Petr Svoık.
Kedendik odaqtyń jumysyna belsene aralasqan, Ekonomıka jáne bıýdjetti josparlaý mınıstri, vıse-premer bolǵan Qaırat Kelimbetovtiń Ulttyq bankte atqaratyn jumysy shash etekten deıdi mamandar. Inflıasııanyń joǵary bolýy, daǵdarystan beri áli qalypqa túspegen bank júıesi, halyqtyń teńgege degen senimsizdigin joıý jańa bas bankırdiń qulshyna sheshetin máseleleri bolmaq.
Ulttyq bankti basqarǵan, burynǵy Qarjy mınıstri Oraz Jandosov jańa basshy osy mindetterdi atqarsa, abyroıǵa bólenedi dep otyr. Al teńgeniń qunsyzdanýyna ekonomıst kúdikpen qaraıdy...
«Men úlken devalvasııa bolady dep oılamaımyn. О́ıtkeni, teńge - munaı valıýtasy. Iаǵnı, munaı baǵasy ózgermese, teńge qunsyzdanyp, dollar sharyqtaıdy dep aıta almaımyn», - dedi ekonomıst Oraz Jandosov.
Al 45 jastaǵy Qaırat Kelimbetovtiń Ulttyq bankke kelýin halyq jyly qabyldap jatyr. Bilimdi ekonomıst qarjy júıesi men Ulttyq bank jumysyn jaqsartýǵa óziniń laıyqty úlesin qosady degen pikirde.
Al ǵalamtorda Kelimbetovke qatysty halyq pikiri ekige jarylǵan. Biri - oǵan reformator retinde baǵa berse, bireýleri onyń «Demtańdaýdan» ketkenin, ekonomıka ártaraptandyrý týraly oılary isten góri sózi kóp degen ustanymda.
Degenmen, jurtshylyq aıyrbas baǵamynyń belgili dálizde bolýyn, ústemeniń nesıede azaıyp, depozıtte kóp bolatyn tetigin tapsa degen tilekke úmitterin jalǵap otyr.
Sáken Maılybaı.
