Quqyq qorǵaý organdary burynǵy Bilim jáne ǵylym mınıstri Baqytjan Jumaǵulovty izdestirip jatqany týraly aqparat jalǵan bolyp shyqty. Bul týraly Ortalyq kommýnıkasııalar qyzmetinde ótken brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málimdedi.
«Al burynǵy vıse-mınıstr Saıat Shaıahmetovke qatysty is áli tekserilip jatyr. Saraptama júrgizilip, sonyń nátıjesi boıynsha prosessýaldyq sheshim qabyldanady», - dedi ol. Oǵan qarsy 2013 jyldyń 29 sáýirinde is qozǵalǵan bolatyn. Ekonomıkalyq qylmysqa jáne sybaılas jemqorlyqqa qarsy kúres agenttigi burynǵy vıse-mınıstrdiń О́skemende 700 oryndyq bilim beretin mekemeni salý kezinde bıýdjetten urlanǵan 1,5 mlrd. teńgege qatysy bar dep tapty. Al 14 mamyrda bul qylmysqa qatysy bar degen aıyppen Saıat Shaıahmetov pen «QR soǵylyp jatqan bilim jáne ǵylym nysandary dıreksııasy» JShS bas dırektory Pak ustaldy.
Mekemeniń derekterine súıensek, 17 mamyrda Shaıahmetov sottyń sheshimimen úı qamaýyna alynǵan, al Pak birden qapasqa otyrǵyzylǵan.
Qurysh Nurymbet.
