Koronavırýs • 03 Maýsym, 2020

Saqtyq sharalaryn saqtaý mańyzdy

18 ret kórsetildi

О́tken aptada shekarasyn ashyp, qalypty ómirge ıkemdele bastaǵan keıbir elderdiń qýanyshy kópke barmady. Koronavırýs Latyn Amerıkasy men Taıaý Shyǵysta qaıta kúsheıip, jańadan 700 000 adam vırýs juqtyryp úlgerdi.

О́tken aptada Longwoods International jasaǵan zertteýi boıynsha amerıkalyqtardyń 82 paıyzy aldaǵy 6 aıda saıahatqa shyǵýǵa asyqpaıtyny belgili bolyp otyr. Álemdik týrızmniń qalypqa kelýi pandemııanyń údeý qarqynyna baılanysty bolmaq.

Jaz maýsymynda Balqash pen Alakól, Býrabaıǵa aǵylatyn qazaqstandyqtardyń da qarasy qalyńdaıdy. Elimizdegi barlyq demalys oryndary 18 mamyrdan bastap ashyla bastaǵan bolatyn. Dese de, bıylǵy demalysta qaýipsizdik saqtaý erejelerin qatań saqtaýǵa basymdyq berilmek. Taýarlar men qyzmetterdiń sapasy men qaýipsizdigin baqylaý departamentiniń jetekshisi Marat Ismaılovtyń aıtýynsha, 3 maýsymnan bastap emdeý-saýyqtyrý baǵytyndaǵy shıpajaılar ashylady. Alakóldiń jaǵalaýy 13 maýsymnan bastap týrısterdi qabyldaı bastaıdy.

̶ Koronavırýs pandemııasyna baılanysty demalys bazalarynyń ıeleri jáne týroperatorlarmen sanıtarlyq-epıdemıologııalyq qaýipsizdikti qamtamasyz etý boıynsha aýqymdy jumystar júrgizildi. Áli de qaýip seıilgen joq. Azamattar ózderiniń jáne jaqyndarynyń densaýlyǵy úshin barlyq talaptardy saqtaǵany durys,  ̶  deıdi Marat Ismaılov.

Onyń aıtýynsha, bıylǵy jaz maýsymynda kópshilik oryndarynda demalatyndar «saqtansań saqtaıtynyn» esten shyǵarmaı, barlyq talaptardy oryndaýǵa tıispiz.  

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Uqsas jańalyqtar