Aımaqtar • 03 Maýsym, 2020

Qostanaıda terekten ushqan ulpa órtke sebep bolýda

5 ret kórsetildi

Qostanaıda sońǵy bir-eki kún ishinde aptap ystyq pen qurǵaq aýanyń saldarynan órt oqıǵasy jıilep ketken. Tótenshe jaǵdaı departamentiniń mamandary muny qala kóshelerine qonǵan terek mamyǵynyń tutanýymen baılanystyryp otyr.

«Qostanaı qalasynda eki kún ishinde terek mamyǵy saldarynan 50-den astam órt tirkelip otyr. Abaı kóshesindegi jylý qubyrynyń órtenýi de osynyń saldarynan. О́rt sóndirýshiler qaýiptiń betin der kezinde qaıtardy. Terek mamyǵynan qutylýdyń bir ǵana joly bar. Ol – sý sebý. Al terek mamyǵyn órteý úlken shyǵyndarǵa ákep soǵýy yqtımal. Ystyq jáne qurǵaq kúnde balalardyń janǵysh zattarmen oınaýyna jol bermeý kerek. Al eresekter sirińke men óshirilmegen temekini jerge tastamaǵandary durys. О́rt qaýipsizdigi erejelerin buzǵany úshin ákimshilik jaýapkershiliktiń qatańdaǵanyn eskertemiz», -  dedi Qostanaı oblysy TJD órt sóndirý qyzmeti ortalyǵy bastyǵynyń orynbasary Abaı Ospanov.

Mamandardyń aıtýynsha, terek mamyqtary tez tutanyp, sońynan qara tútin qaldyrady. Mamyqtyń jınalý oryndaryn, ásirese aǵashtardyń mańyn júıeli túrde tazalaý, balalarǵa ony jaǵýǵa ruqsat bermeý qajet. Mundaı qarapaıym qaǵıdalardy saqtaý órttiń aldyn alýǵa múmkindik beredi.

 

 

Qostanaı oblysy

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar