Reseı Federasııasynyń prezıdenti Vladımır Pýtındi Nobel syılyǵyna usynǵan Reseı memlekettik dýmasynyń depýtattaryn Venesýela prezıdenti Nıkolas Madýro qoldady. Nıkolas Madýro Sırııaǵa tóngen syrtqy shabýyldyń betin qaıtarýǵa úlken yqpal jasap, álemdi yqtımal soǵys órtinen qutqaryp qalǵan V.Pýtınge Nobel syılyǵy berilýi tıis dep esepteıdi. Bul týraly «Life News» saıty habarlady.
Nıkolas Madýro: «Qazirgi tańda Nobel syılyǵyn alýǵa laıyqty birden-bir tulǵa Vladımır Pýtın. Ol Sırııa halqyna tóngen soǵysty toqtatýǵa zor kómegin tıgizdi», – dedi.
V.Pýtındi atalmysh mártebeli syılyqqa 2013 jyldyń 16 qyrkúıeginde Reseı memlekettik dýmasy usynǵan. Jalpy, atalǵan bastama Reseıdiń Halyqaralyq rýhanı birlik jáne yntymaqtastyq akademııasy tarapynan kóterilgen.
Búginge deıin Nobel syılyǵyna úmitker retinde 259 adam tirkelipti. Bul rekordtyq kórsetkish kórinedi.
Joldybaı Bazar.
