Jyldyń basynan aıaǵyna deıin úzdiksiz ótip turatyn túrli týrnırler pandemııa saldarynan toqtatylǵannan keıin eń kóp baıbalam salǵan dáp osy tennısshiler edi. Ár kún saıyn «Tabys kózinen aıyryldyq», «Jaǵdaıymyz múshkil», «Endi qalaı kún kóremiz?» dep jylarman boldy. Olardyń janaıqaıyn estigen Novak Djokovıch, Rodjer Federer, Rafael Nadal syndy sańlaqtar ortań qol oıynshylarǵa qarjylaı kómek kórsetý maqsatynda arnaıy qaıyrymdylyq qoryn qurý jóninde bastama kóterdi. Bul ıdeıany kópshilik qoldasa, keıbireýler qarsylyq bildirdi. Bul istiń nemen aıaqtalǵany bizge beımálim, biraq bir biletinimiz qıyn-qystaý kezeńde bir-birin qoldaǵan tennısshilerdiń aýyzbirligi myqty eken.
Zoom-konferensııadan keıin Soltústik Amerıka men Eýropa qurlyǵynda ótetin birqatar iri halyqaralyq týrnırlerdiń merzimi anyqtalady. Odan keıin oıynshylar «Úlken dýlyǵa» sanatyndaǵy jarystarǵa daıyndyqty bastaıdy.
