Aımaqtar • 03 Maýsym, 2020

Veterınarııa adamzatty emdeıdi...

75 ret kórsetildi

«Medısına adamdy, veterınarııa adamzatty emdeıdi» degen naqyl eshqashan óziniń ózektiligin joıǵan emes. Biz Soltústik Qazaqstandaǵy veterınarlyq ahýaldyń qandaı ekenin bilmek bolyp oblystyq veterınarlyq basqarmanyń bastyǵy Berik Áljanovpen áńgimelesken edik.

Qoldaǵy malyń aýrý bolsa onyń derti  adamdarǵa juqpaı qoımaıdy. Sondyqtan qoldaǵy barlyq janýaralardyń densaýlyǵyn teksertip, emdetip, bolýy múmkin aýrýlarǵa qarsy em-dom qoldanýdyń eshqashan artyǵy bolmaıdy. Ásirese, biz sııaqty maldy kóp ósiretin agrarly eldiń halqy maldan juǵatyn dertterge kóp ushyraıdy. Tipti dertter maldan ǵana emes jalpy qolǵa úıretilgen ıt, mysyq, qus sııaqty jandylardan da juǵyp jatady.

Osy máseler týraly Berik Áljanovpen áńgimelesý barysynda birshama jaıǵa qandyq. Veterınarlyq sharalar degenimiz bul adamdar men maldardyń densaýlyǵyn saqtaý úshin jasalatyn sharalar kesheni. Ony biz kóktemdik jáne kúzdik dep eki kezeńge bólip jasaımyz. Kóktemdik sharalar naýryz ben maýsym aralyǵynda, al kúzdik sharalar qyrkúıekten qarasha aıyna deıin jasalady. Osy sharalardyń barysynda biz maldarǵa vaksınasııa egýmen qatar týberkýlez, brýselloz jáne leıkoz sııaqty dertterdiń baryn anyqtaý úshin qan alamyz, dedi maman. Bul úshin epızootıkalyq monıtorıngtiń derekteriniń negizinde veterınarlyq sharalardy jasaýdyń jospary jasalady. Ony jasaý barysynda maldyń sany, preparattardyń neshe ret qoldanylǵany sııaqty tolyp jatqan derekterge mán beriletin kórinedi. Tekseris maldyń kimniń menshiginde ekenine qaramaı jappaı jasalatyn kórinedi.

Soltústik Qazaqstan oblysynda osy jumystardy atqaratyn mal dárigerleriniń sany – 292 adam. Bıyl veterınarlyq sharalar qystyń jylymyq bolýyna baılanysty aqpan aıynan bastalypty. Sonyń ishinde sý basýy múmkin aımaqtarǵa aldymen júrgizilgen. Eger maldyń boıynan áleýmettik mańyzy bar, joǵaryda atalǵan týberkýlez, brýselloz sııaqty dertter anyqtalsa ondaı maldardy 15 kúnniń ishinde joıý mindetteledi.

Búgingi tańda 2020 jylǵa belgilengen jospardaǵy jumystardyń 95 paıyzy oryndaldy, dedi Berik Áljanov. Tekseris barysynda oblys boıynsha 312 qara maldyń, 1 qoıdyń boıynan brýsellez jáne 3 sıyrdan týberkýlez anyqtalǵan. Olardyń bári soıylǵan. Degenmen, bıyl osyndaı dertterdiń byltyrǵy jylmen salystyrǵanda azaıǵany bilingen. Bul vaksınany ýaqytynda salyp, em-dom jumystarynyń der kezinde júrgizilgendiginiń nátıjesi. 

Qazir oblys boıynsha veterınarlyq sharalardyń ótkizýge qolbaılaý bolatyn eshqandaı kedergi joq. Dıagnostıkalyq ortalyqtar qalypty jumys isteýde, veterınarlyq preparattardyń tapshylyǵy eńserilgen. Biraq keıbiriniń sapasy tómen bolyp keletini ras. Sonymen birge preparattardyń saqtaıtyn oryndar qajetti quraldarmen qamtamasyz etilgen.

Árıne, bıylǵy pandemııanyń ylańy veterınarlyq jumystardy júrgizýge de kedergi bolǵan. Sonyń ishinde mal dárigerleriniń júris-turysyna shekteý qoıylǵan. Keıbir mal ıeleri de koronovırýsty syltaýratyp olardy qoralaryna kirgizýden bas tartqan. Ondaılardyń bárine jergilikti ákimdik qyzmetkerlerimen birlese otyryp túsindirý jumystary júrgizilgen.

Al vetrınarlyq qyzmetkerler qajetti qaýipsizdik sharalaryn saqtap, ózderimen birge mindetti túrde betperde, antıseptık, qolǵap, arnaýly kıim alyp júrgen. Al veterınarlyq sharalardy jasaýǵa kedergi keltirgen adamdarǵa qoldanystaǵy zańnamaǵa sáıkes 5 AEK mólsherinde aıyppul salynady. Biraq sharalar ózderi úshin ekenin bilgen adamdar arasynan kedergi keltirýler bolmaǵan.  

 

Soltústik Qazaqstan oblysy

Sońǵy jańalyqtar

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Uqsas jańalyqtar