Qoǵam • 03 Maýsym, 2020

Egov.kz-te 5 myńnan astam adam jumys izdeýshi retinde tirkelgen

9 ret kórsetildi

5091 adam Elektrondyq úkimet portalynda jumys izdep júrgen adam retinde tirkelý boıynsha elektrondyq qyzmetti paıdalandy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Qyzmetti alý úshin portaldyń basty betinde «Jumysqa ornalastyrý jáne jumyspen qamtý» bólimine ótý, odan ári «Jumys izdegen adamdardy tirkeý» qyzmetin tańdaý jáne qyzmetke onlaın tapsyrys berý qajet. Kez kelgen yńǵaıly tásilmen avtorızasııadan keıin (logın men parol, ESQ, SIM-kartadaǵy ESQ, bir rettik parol, Digital-ID, QR-kod) ózi týraly aqparatty toltyrý jáne suraýǵa ESQ arqyly qol qoıý qajet.

Jumys izdep júrgen adam retinde tirkelgennen keıin bir jumys kúni ishinde halyqty jumyspen qamtý ortalyǵynyń qyzmetkerleri laıyqty bos jumys ornyn izdeýdi júzege asyratyn bolady. Eger jumys tabylmasa, ótinish berýshige qashyqtyqtan jumyssyz mártebesi beriledi. Eger bul rette jumyssyz azamat mindetti áleýmettik saqtandyrý júıesiniń qatysýshysy bolyp tabylsa, ol jumysty joǵaltý boıynsha tólemge úmitker bola alady, ol SMS arqyly proaktıvti túrde taǵaıyndalady.

«Jumys izdep júrgen adamdardy tirkeý qyzmetin» halyqty jumyspen qamtý ortalyqtarynda da alýǵa bolady. Alaıda koronavırýs pandemııasy kóptegen qyzmetterdi úıden shyqpaı-aq onlaın alýǵa bolatynyn dáleldedi. Mysaly, egov.kz nemese SMS arqyly. Bul óte yńǵaıly, óıtkeni bir jerge barýdyń, qujattardy jınaýdyń, oǵan ýaqyt jumsaýdyń qajeti joq. Sıfrlyq tehnologııalar kóptegen prosesterdi onlaın ózara is-qımylǵa aýystyrady, osylaısha adam faktorynyń áserin tómendetip, jemqorlyq táýekelderin azaıtady», – dedi Eńbek jáne halyqty áleýmettik qorǵaý vıse-mınıstri Narıman Muqyshev.

Esterińizge sala keteıik, jumyspen qamtýdy sıfrlandyrý aıasynda onlaın túrde jumys tabýǵa múmkindik beretin «Elektrondyq eńbek bırjasy» jáne barlyq málimetter júıede saqtalatyndyqtan, azamattardyń jumysqa ornalasýyna jumsaıtyn ýaqytyn únemdeýge múmkindik beretin «Eńbek sharttaryn esepke alýdyń biryńǵaı júıesi» jobalary júzege asyrylýda.

Sońǵy jańalyqtar

6 myń adam qarjylaı kómek alady

Qoǵam • Búgin, 06:23

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Atyraýda tegin dári-dármek taratylmady

Aımaqtar • 04 Shilde, 2020

Uqsas jańalyqtar