Aımaqtar • 03 Maýsym, 2020

Tarazda órt sóndirýge atsalysqan azamat marapattaldy

60 ret kórsetildi

О́tken jeksenbi kúni saǵat 16:45 shamasynda Taraz qalasynyń Araı-2 yqshamaýdanyndaǵy kópqabatty turǵyn úıdegi páterdiń birinen órt shyqqan. Osy ýaqytta avtokóligin turaqqa qoıyp, úıine alańsyz bet alǵan Muhamed Álı esimdi azamat órt shyqqan páterdi baıqap qalyp, solaı qaraı tura júgiredi.

Kelgen bette oqıǵa oryn alǵan páterdiń esigin ashpaq bolǵanda, temir esik qulyptaýly bolyp shyǵady. Odan ári ol qyzyl jalynǵa oranyp jatqan páterdiń balkonyndaǵy órttiń ary qaraı kórshi páterlerge jaıylmaýy úshin, órt sóndirýshiler kelgenshe shuǵyl túrde №1 jertóleni ashady. Sóıtip uzyndyǵy 40 metrlik shlangany sýǵa jalǵaıdy. Atalǵan turǵyn úıdiń jaýapty azamaty bolǵandyqtan Muhamed Álıdiń qaltasynda únemi barlyq kilt júredi eken. Osy ýaqytta jary Kámshat ta janynan tabylyp, janushyra qolǵabys etedi. Odan ári órt shyqqan balkondy baǵyttaı, sý shashýǵa kirisedi. Osy sátte kórshileri kelip jetip, bári órttiń jedel sónýine óz septigin tıgizedi. Turǵyndar tilsiz jaýmen alysyp jatqanda, ózge kórshileri órt shyqqan kireberistegi ózge turǵyndardy qaýipsiz orynǵa kóshire bastaıdy. Osy sátte órt sóndirýshiler de jetip, tilsiz jaý saǵat 17:02-de aýyzdyqtalyp, tolyǵymen joıylady.

Keıinnen anyqtalǵandaı, órt atalǵan páter balkonyna jınalǵan avtokólik dońǵalaqtarynan bastalǵan. Keıinnen qyzyl jalyn páter ishine lap qoıǵan. Bul kezde úıde eshkim bolmaǵan eken. Abyroı bolǵanda, zardap shekkender tirkelmegen jáne qazirgi tańda órttiń shyǵý sebebi men shyǵyny naqty anyqtalýda. Beıbit kúnniń batyrynyń erligi eskerilip, Jambyl oblysy Tótenshe jaǵdaılar departamenti О́rt sóndirý qyzmetiniń bastyǵy, azamattyq qorǵaý polkovnıgi Ermek Mombaev Muhamed Álıdi Alǵys hatpen marapattady. Oqıǵa oryn alǵan jaǵdaıdaǵy azamattyq belsendiligi úshin shynaıy alǵysyn bildirdi.

 

Jambyl oblysy

Sońǵy jańalyqtar

Aınurdyń júgi astanaǵa jetti

Qoǵam • Búgin, 23:04

50 keli marıhýanany garajynda saqtaǵan

Aımaqtar • Búgin, 20:09

Elbasy Ahmetjan Esimovti qabyldady

Elbasy • Búgin, 16:35

42 500 teńgeni alý qalaı júzege asady

Koronavırýs • Búgin, 10:40

Shertershiler qurǵan onlaın-ansambl

Rýhanııat • Búgin, 10:05

Elimizde jazylǵandar sany 35911-ge jetti

Koronavırýs • Búgin, 10:02

Uqsas jańalyqtar