Qoǵam • 03 Maýsym, 2020

B.Saǵyntaev: Almatynyń barlyq aýdanynda ómir sapasy joǵary bolýy tıis

32 ret kórsetildi

Almaty qalasynyń ákimi Baqytjan Saǵyntaev Alataý aýdany turǵyndarynyń máseleleri qalaı sheshilip jatqanyn tekserdi.

Shahar basshysy megapolıstiń barlyq aýdandarynda ómir súrýdiń birdeı jaǵdaıyn jasaýdy tapsyrdy

Búgin Almatynyń ákimi jumys sapary barysynda ótken jylǵy eseptik kezdesýlerde Alataý aýdany turǵandary aıtqan máselelerdiń qalaı sheshilip jatqanyn tekserdi. О́ıtkeni, osy aýdandaǵy joldardyń, trotýarlardyń, aryqtardyń, jaryqtyń, kommýnaldyq jelilerdiń joqtyǵy sóz bolǵan edi. Sonymen qatar B.Saǵyntaev aýdannyń ınfraqurylymyn jasqartý jónindegi jobalardy iske asyrý barysymen tanysty.

Almaty ákimi Uljan yqshamaýdanyndaǵy kárizdik nasos stansııasynyń qurylysyn jáne osy yqshamaýdandaǵy Jalaıyr kóshesindegi joldyń jóndelý barysyn kórdi. Jol keńeıedi, trotýarlar men aryq jelileri salynady, al mektep pen bala baqsha janynan jyldamdyq rejımin azaıtý úshin jasandy kedergiler jasalatyn bolady. Qala ákimi orynbasarlarǵa jáne tıisti basqarma basshylaryna jasalyp jatqan jumystardyń sapasyn jiti qadaǵalaýdy tapsyrdy.

«Qalanyń kez kelgen yqshamaýdanyndaǵy ómir súrý sapasy birdeı ári joǵary deńgeıde bolýy tıis. Biz bul mindetti «Jańa Almaty» keshendi jospary aıasynda Memleket basshysy aıtqan «Shetsiz qala» qaǵıdatyna saı sheshýdemiz», - dep atap ótti B. Saǵyntaev.

Qazir Alataý aýdanynda ınfraqurylymdy jaqsartý boıynsha jumystar júrýde. Shapaǵat, Qarasý, Alǵabas, О́jet, Samǵaý, Aqbulaq syndy alty yqshamaýdandarda sý jáne káriz qubyrlary salynýda. Olardyń jalpy uzyndyǵy – 205,4 shaqyrym, onyń 111,41 shaqyrymy sýmen qamtý jelisi, 93,99 shaqyrymy sýdan bóletin qubyrlar.

3

«Kók Kaınar»,«Tomırıs», Shańyraq-2, Uljan-1 yqshamaýdandarynda salynǵan kárizdik jelilerdi iske qosý úshin 17 kárizdik nasos stansııalarynyń qurylystary júrýde. Olardy aǵymdaǵy jyldyń II jartysynda aıaqtaý josparlanǵan. «Shańyraq-1», «Terekti», «Rahat-Mádenıet» yqshamaýdandarynda ınjenerlik jeliler salý úshin JSQ ázirlenýde.

О́tken jyly 13 yqshamaýdanda jańa joldardyń qurylystary bastalǵan edi. Onyń ishinde «Qarasý», «Aqbulaq», «Kók Qaınar» «Saıaly-2» syndy tórt yqshamaýdandaǵy uzyndyǵy 32,7 shaqyrym joldar paıdalanýǵa berildi. Aǵymdaǵy jyly «Uljan-2», «Alǵabas-AZTM», «Tomırıs», «Uljan-1», «Shańyraq-2», «Shańyrak-1», «Darhan-Baıbesik», «Áıgerim-1», «Áıgerim-2» syndy jeti yqshamaýdandaǵy jalpy uzyndyǵy 84 shaqyrym bolatyn joldardyń qurylysy bıylǵy jyly aıaqtalady. Bulardan ózge, «Shańyraq-2»,«AZTM-Alǵabas», «Tomırıs», «Boraldaı», «Uljan-1», «Uljan-2», «Kók-Qaınar», «Qarasý», «О́jet» syndy segiz yqshamaýdandaǵy 67,4 shaqyrym joldarda aǵymdaǵy jóndeý jumystary júrýde.

B.Saǵyntaev «Alataý Sıtı» TK qurylys alańynda boldy, munda orta sanattaǵylar úshin qoljetimdi baspana salynýda, onyń ishinde ıpotekalyq nesıe baǵdarlamasy boıynsha. «Nurly jer» baǵdarlamasy aıasynda qala tarapynan kommýnıkasııa júrgizildi.

О́z kezeginde, qurylysty júrgizýshi MJÁ aıasynda 350 oryndy bala baqsha salatyn bolady. Osylaısha, Almaty ákimi B. Saǵyntaevtyń qoljetimdi áleýmettik ınfraqurylym qurý jónindegi tapsyrmasy oń sheshimin tabýda.

«Jumyspen qamtýdyń Jol kartasy» boıynsha Alataý aýdanynda úsh jasyl aýmaqqa, úsh skver men alty júrginshi aımaǵyna jóndeý jumystary júrgiziledi. Bulardan ózge, kópqabatty úılerdiń shatyrlary jóndelip, 23 aýla, 18 bala baqsha retke keltiriledi. Barlyq nysandarda 2070 jumys oryndary qurylady.

Qala ákimi jumys sapary barysynda atqarylǵan jumystar men qoǵamdyq keńistikti jóndeý úshin qoldanylǵan materıaldardyń sapasyn da tekserdi. Onyń ishinde, Rysqulov dańǵyly boıynan Momyshuly kóshesinen Ońǵarsynova kóshesine deıingi Jasyl aımaq, ÚAK boıynan Momyshuly kóshesinen Soltústik aınalymǵa deıingi aýmaq tekserildi. ÚAK boıyndaǵy skverge jáne «Alataý» dástúrli óner teatry aldyndaǵy alańǵa jóndeý jumystary júrgizilýde. «Qarasý» yqshamaýdanynda jańa rekreasııalyq aımaqtyń qurylysy júrýde, munda eldi mekenge jaqyn ornalasqan ózen arnalary jasyldandyrylady. Osynaý qoǵamdyq oryndar jasyldandyrý arqasynda kópshilik tynyǵatyn oryndarǵa, balalardyń oıyn jáne sport alańdaryna aınalady.

3

«Bul jobalardy iske asyrý aýdan ómirin jaqsartady, keńistikti jumys isteýge, tynyǵýǵa, oqýǵa barynsha jaıly etedi. Jańa tynyǵatyn oryndar paıda bolady», - dep atap ótti B. Saǵyntaev jáne bos oryndardy barynsha jasyldandyrýdy, aǵashtardyń berik suryptaryn otyrǵyzýdy tapsyrdy. О́ıtkeni, aýdan jasyl jelek sany jaǵynan qalada sońǵy orynda.

Jumys sapary barysynda B.Saǵyntaev «Maslodel» zaýytynda bolyp, jańa sanıtarlyq erejelerge saı óndiristik sıkldarmen jáne jumys úrdisin uıymdastyrýdy kórdi. Bulardan ózge, qala ákimi jańa meshittiń qurylysymen birge, Almaty Creative Hub jańa býynyn qalyptastyratyn mádenı ortalyqtyń jobasymen tanysty.

3

3

5

 

Sońǵy jańalyqtar

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Uqsas jańalyqtar