Aımaqtar • 03 Maýsym, 2020

Dármeni joq kásipkerler Prezıdentten pármen kútedi

233 ret kórsetildi

Olar oblystaǵy memlekettik satyp alý barysyndaǵy zańsyzdyqtardyń beleń alýy men sheneýnikterdiń zańdy belden basyp, jekelegen kásipkerlerdiń múddesin kózdep júrgenderine narazy.

 

Bir top óńir kásipkerleri Memleket basshysy Qasym-Jomart Toqaevtan járdem surap otyr. Olar oblystaǵy memlekettik satyp alý barysyndaǵy zańsyzdyqtardyń beleń alýy men sheneýnikterdiń zańdy belden basyp, jekelegen kásipkerlerdiń múddesin kózdep júrgenderine narazy.

Keshe О́skemendegi oblystyq kásipkerler palatasynda ótken brıfıngte Aleksandr Fedosov, Bolat Baǵadaev, Anatolıı Tomılov, Aınash Sultanbekqyzy, taǵy da basqa kásipkerler ózderin tolǵandyrǵan máselelerin jetkizdi. Jıynǵa oblystyq, qalalyq ákimdik ókilderi men quqyq qorǵaý organdarynyń qyzmetkerleri de qatysyp, taraptar ashyq pikir almasty.

Oblystyń jol salasynda 1969 jyldan beri jumys istep kele jatqan «DSÝ-14» JShS-niń dırektory Aleksandr Fedosov memleketten bólingen mıllıardttaǵan qarjynyń sońǵy 2-3 jylda tek 1-2 merdiger ǵana berilip júrgenine alańdaýshylyǵyn bildirdi. «Kásipkerler memlekettik satyp alýdyń 70 paıyzyn nelikten «DSÝ-11» jáne «Vostokvzryvprom» jaýapkershiligi shekteýli seriktestikteri ǵana jeńip alatynyn túsinbeı dal. Bıyldyń ózinde jol jóndeý salasynda bir ǵana kompanııa 1 mıllıard, 700 mıllıon teńgeniń tenderin utqan. Byltyr maǵan О́skemendegi Áýezov dańǵylynyń jolyn jóndeýge 360 mıllıon teńge berdi. Onyń 180 mıllıonyn basqa jerge berýimdi talap etti. Kelistim. Keıin 36 mıllıon teńge kóleminde úles surady. Bas tarttym. Sodan beri qysym kórip kelemin. Baıqaýǵa jiberýin jiberedi, biraq belgisiz sebeptermen baıqaý ótkizilmeı qalady. Eń soraqysy, sheneýnikter zańdy ózderiniń yńǵaıyna qaraı buryp alady. Tenderdi kimge bergisi kelse, soǵan beredi» deıdi ashynǵan kásipker.

Geologııalyq barlaý salasyndaǵy kompanııa ókilderi de óńirdegi tenderdiń durys ótkizilmeýine ókpeli. Jarty ǵasyrǵa jýyq jer asty sý qoryn zerttep kele jatqan óskemendik kásipker Bolat Baǵadaevtyń kompanııasy da sońǵy eki jylda memlekettik tapsyrystan qaǵylǵan. «Biz byltyr tenderden jeńip tursaq ta, memlekettik konkýrstyń nátıjesin oblys ákimdigi teriske shyǵardy. Sonyń kesirinen 2019 jyly oblystaǵy 33 aýylǵa sý munarasy ornatylmady. Turǵyndar qansha jyldan beri aýyz sýdy kútip otyr. Meniń taǵy bir túsinbeıtinim, bir qalada tirkelgen eki kompanııanyń biriniń tenderge qatystyrylyp, ekinshisiniń qatystyrylmaıtyny. Karantın jaǵdaıyna baılanysty memlekettik satyp alýdyń erejesine ózgeris engizip, bıyl «Semeıgıdrologııa» men bizdiń kompanııany alyp tastap, deni durys mamandary men burǵylaý quraldary joq «Vostokvzryvpromǵa» berdi» deıdi B.Baǵadaev.

Jıynda Baǵadaevtyń sózin jalǵaǵan «Vostokmontajstroı» JShS dırektory Anatolıı Tomılov byltyr О́skemendegi «Samal» saıabaǵyn jóndeý jumystaryna qatysqanymen, eńbekaqylaryn durys almaǵanyn jetkizdi. «Sheneýnikter áýelde «Alańsyz jumys isteı berińder, bas merdiger barlyq shyǵyndy óteıdi» degen soń esh alańsyz jumys isteı berdik. Tipti, konkýrsqa da qatysqan joqpyz. Shilde aıynda «EkspertızaıAnalıtıka» degen bas merdigerdiń paıda bolǵanyn, 550 mıllıon teńge somasyndaǵy tenderdi jeńip alǵanyn bildik. Ol kezde biz jumystyń 85 paıyzyn oryndaǵan edik. Jumystyń jalpy somasy – 180 mıllıon teńge. Byltyr qyrkúıek aıynda «Samal» saıabaǵyndaǵy jóndeýge qatysqan 6 kompanııaǵa 87 mıllıon teńge berdi. Qalǵan 93 mıllıondy áli bergen joq. Buǵan qosa bas merdiger biz atqarǵan jumysqa tıesili qarjynyń 25 paıyzyn ustap qalamyn dedi. Biz 6 kompanııa 180 mıllıon teńgeniń jumysyn istesek, qalǵan 370 mıllıon teńge qaıda ketti?» deıdi kásipker.

Búgin oblys ákimdiginde aımaq basshysy Danıal Ahmetovtiń qatysýymen kásipkerlerdiń shaǵymyna qatysty jıyn ótip, máseleniń anyq-qanyǵyn zerdeleý úshin arnaıy jumys toby quryldy. Jumys tobynyń jumysy ashyq bolatynyn aıtqan oblys ákimi bul topqa osy iske qatysy bar barlyq kásipkerler men quzyrly organ ókilderi, tıisti basqarma basshylary engenin aıtty. «Arnaıy komıssııa bir aptanyń ishinde barlyǵyn muqııat tekseredi. Zańdy negizge ala otyryp tıisti qorytyndy shyǵaramyz» dedi Danıal Ahmetov.

Osy jıynda keshe birneshe kásipkerler tarapynan «Sońǵy jyldary oblystaǵy tenderlerdiń barlyǵyn alyp júr» dep aıyptalǵan «Vostokvzryvprom» JShS dırektory Dmıtrıı Somov sóz alyp, óz ýájin alǵa tartty. «Bizdiń kompanııa 2001 jyldan jumys isteıdi. Osy salada jaqsy tájirıbemiz bar. Jumysshylarymyz jetkilikti. Memleketke mıllıardttap salyq quıyp jatyrmyz. Bizdiń múmkindigimiz sizderden eki-úsh ese artyq» degen JShS basshysy jala japqany úshin Aleksandr Fedosovty sotqa bergendigin de jasyrmady.  

Alaıda búgin tústen keıin taǵy da О́skemende bas qosqan narazy kásipkerler oblys ákimdiginiń bastamasymen qurylǵan arnaıy jumys tobyna senimsizdik bildirip, bul másele úkimettik deńgeıde qaralsa, táýelsiz komıssııa qurylsa, Prezıdent Qasym-Jomart Toqaev janaıqaıymyzǵa qulaq assa degen ótinish-tilekterin jetkizdi. «Biz buǵan deıin qanshama ret oblystaǵy quzyrly organdarǵa shaǵymdandyq. Nátıje bolmady. Sondyqtan Memleket basshysynan kómek suraýǵa májbúr bolyp otyrmyz» deıdi olar.

Osylaısha bul iste dármensizdik tanytyp otyrǵan kásipkerler Prezıdentten pármen kútedi. 

О́SKEMEN

Sońǵy jańalyqtar

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Uqsas jańalyqtar