Aımaqtar • 03 Maýsym, 2020

Tarazda qoǵamdyq kólikter qashannan bastap júredi?

565 ret kórsetildi

Koronavırýs indetiniń taralýyna oraı, Jambyl oblysynyń aýmaǵynda da qoǵamdyq kólikterdiń qyzmeti toqtatylǵan bolatyn. Qalaishilik marshrýttardyń da júrýine shekteý qoıyldy. Alaıda, jýyrda óńirdegi blok-beketter alynyp, birqatar nysannyń qaıta jumys isteýine ruqsat berilgen edi. Osy oraıda, jergilikti ákimdikke turǵyndar tarapynan da qoǵamdyq kólikterdiń qaı kezden bastap júretindigi týraly saýaldar jıi túsip jatyr.

Bul oraıda, Jambyl oblysynyń ákimdigi jaqyn kúnderi Taraz qalasynda qoǵamdyq kóliktiń qyzmetin qaıta jandandyrý josparlanýda ekenin málimdedi. Tıisti sheshimdi oblystyq jedel shtab qabyldaǵan. Ol úshin tasymaldaýshy kompanııalar marshrýttyq avtobýstar men parkterdi Qazaqstan Respýblıkasynyń Bas memlekettik sanıtarlyq dárigeriniń qaýlysymen belgilengen barlyq sanıtarlyq-epıdemıologııalyq talaptarǵa sáıkes keltirýi kerek. Osydan keıin ǵana avtoparkter óz qyzmetin qaıta bastaýǵa ruqsat ala alady.

Atap aıtqanda, avtobýs salonyna medısınalyq maska kıgen jolaýshylar ǵana kire alady jáne jolaýshylardyń araqashyqtyǵy keminde bir metr bolýy kerek. Sondaı-aq, salonnyń toltyrylýy 50 paıyzdan aspaýy tıis. Sonymen qatar, avtoparkter ákimshiligi personalǵa jeke qorǵaný quraldaryn paıdalaný boıynsha nusqaý berýdi, dene qyzýyn ólsheý boıynsha kúndelikti medısınalyq tekserýdi uıymdastyrýy qajet. Jiti respıratorlyq ınfeksııa belgileri bar qyzmetkerler jumysqa jiberilmeıdi. Sondaı-aq, marshrýttyń aıaqtalýy boıynsha aıaldaý kezinde kólik quraldarynyń salondaryn barynsha jeldetý, dezınfeksııalyq súlgilermen nemese eritindilerimen tereze, esik tutqalaryn, oryndyqtardy jáne ózge de betterdi súrtý kerek. Aýysym aıaqtalǵannan keıin qoǵamdyq kólik mindetti túrde dezınfeksııalaýdan ótýi tıis. Al, aıaldama keshenderin, avtoparkterdi óńdeý kúnine keminde bir ret júrgizilýi tıis. Arnaıy monıtorıngtik toptar osy sanıtarlyq talaptardyń saqtalýyn qadaǵalaıdy. Eger atalǵan talaptar oryndalǵan jaǵdaıda qoǵamdyq kólikter jýyrda óz jumysyn bastaıdy.

 

Jambyl oblysy

Sońǵy jańalyqtar

Jetinshi maýsymnyń jetistigi

Rýhanııat • Keshe

Uqsas jańalyqtar