Aımaqtar • 03 Maýsym, 2020

Shymkenttiń bas polıseıi onlaın rejımde halyqqa esep berdi

55 ret kórsetildi

Shymkent qalasy Polısııa departamentiniń bastyǵy polısııa general-maıory Eraly Jýmahanbetov ótken jylmen osy jyldyń 5 aıyndaǵy departamenttiń halyqqa qyzmet etý barysynda atqarylǵan jumys  nátıjeleri týraly turǵyndarǵa esep berdi.

Eseptik kezdesý karantındik is-sharalarǵa baılanysty Polısııa departamentiniń Feısbýk jáne Instagram paraqshalarynda tikeleı efır arqyly júzege asty.
 
Atalǵan onlaın rejımindegi eseptik kezdesý azamattardy qabyldaý, olardyń ózekti máselelerin sheshý alańy retinde de qarastyrylyp, tikeleı efırde jeli qoldanýshylardyń suraqtaryna jaýaptar berildi.
 
Eraly Jýmahanbetov - Shymkent qalasy polısııa departamentiniń bastyǵy, polısııa general-maıory: «Eki jyl qatarynan Qazaqstan Respýblıkasynyń Ishki ister organdaryn jańǵyrtý boıynsha 2019-2021 jyldarǵa arnalǵan «Jol kartasy» iske asyrylýda. Polısııa halyqqa qyzmet kórsetýdiń jańa úlgisine kóshýde. Azamattardyń qaýipsizdigin qamtamasyz etý úshin sapaly qyzmet kórsetý basty nátıje bolyp tabylýda. Bul degenimiz «Tyńdaýshy memleket» tujyrymdamasyn iske asyrýda taǵy bir ózekti másele. Men Shymkent polısııasynyń jumysy týraly qoǵam pikirine muqııat qaraımyn. Ár qabyldaýymda bolǵan azamattardyń ózekti máselelerin sheshý biz úshin úlken jaýapkershilik dep bilemin.  2019 jyly 724 azamat jeke qabyldaýymda bolsa, osy jyly tótenshe jaǵdaıǵa qaramastan  132 azamatty qabyldap, ótinishterin tııanaqty qarap, tıisti sheshimder qabyldadyq. Maǵan kelgen azamattardyń polısııaǵa degen alǵys bildirýi týraly ótinishteri de osyǵan dálel. Áleýmettik jelidegi tirkelgen Polısııa departamentiniń saıttaryna únemi qala turǵyndary alǵystaryn jazýda. Olardyń kóbi qylmysty izin sýytpaı ashyp, qoǵamdyq tártipti qamtamasyz etýdegi adal qyzmetterimiz úshin arnalǵan alǵystar. Bizdiń jumysymyzǵa beı-jaı qaramaǵany úshin qala turǵyndaryna alǵys bildiremin! Jyldan jylǵa polısııaǵa kómektesýge daıyn adamdardyń sany artyp kele jatqany biz úshin jaqsy jetistik. Buny oń úrdis dep qoldaımyz. О́tken merzimde qoǵamdyq tártipti saqtaýǵa 118 polısııanyń qoǵamdyq kómekshisi, 78 qala turǵyndary qatysty. Olarmen 258 qylmys ashylyp, 1229 ákimshilik quqyqbuzýshy anyqtaldy. Polısııanyń jumysyna belsendi at salysqan 118 kómekshi 3 mıllıondaı teńgemen,  5 azamat IIM gramotasymen, 78 azamat Departamenttiń gramotasy jáne alǵys hattarymen marapattaldy.
 
Sondaı-aq,  2019 jyly qylmystardyń sany 12,4%-ǵa tómendese, osy jyly 5 aıda bul kórsetkish     25,1%-ǵa azaıdy. Jol qaýipsizdigin qamtamasyz etý maqsatynda patrýl polısııa qyzmetkerlerimen bir jylda mas kúıde kólik júrgizgeni úshin 637  júrgizýshi ustalyp, sot sheshimimen 3-jylǵa júrgizý quqyǵynan aıyrylsa, osy jyly 109 júrgizýshi sot sheshimimen 7-jylǵa júrgizý quqyǵynan aıyrylyp, 15 táýlikke qamaqqa alyndy.
 
Koronavırýs ınfeksııasyn aldyn-alý jáne taralýyn boldyrmaý maqsatynda Tótenshe jaǵdaıdy qamtamasyz etý úshin 148 arnaıy avtokólik, 1 myń 800 qyzmetkerler men sarbazdar jumyldyryldy.    
Tótenshe jaǵdaı kezinde QR IIM Erlan Turǵynbaev respýblıka boıynsha 47 polısııa qyzmetkerlerin marapattady. Onyń 9-y Shymkent qalasy Polısııa departamentiniń qyzmetkerleri. Tótenshe jaǵdaı kezinde is-sharalardy oryndaý maqsatynda óz mindetterin adal, abyroımen atqarǵan qyzmetkerlerdi atap ótsek, ol 2020 jyly 16 naýryzda, ıaǵnı tótenshe jaǵdaıdyń birinshi kúninde Nursat móltek aýdanynda ornalasqan kóp qabatty úıdiń balkon terezesinen óz ómirine qol suǵýǵa áreket jasaǵan turǵyndy qutqarǵany úshin IIM-niń buıryǵymen Qarataý aýdandyq Polısııa basqarmasynyń ýchaskelik polısııa ınspektorlary polısııa kapıtany Esenkýlov Medet Qanatulyn «Quqyq tártibin qamtamasyz etýge qosqan úlesi» medali  jáne polısııa aǵa leıtenanty Chýmanov Asqar Sheráliulyn «Alǵys hat» marapatyna ıe boldy.
 
2020 jyly 26 naýryzda alystan kele jatqan poıyzdyń astyna temir jol relsine jatpaqshy bolǵan 17 jasar jasóspirimdi bir sát oılanbastan batyldyq tanytyp, ajaldan aman alyp qalǵany úshin Eńbekshi aýdandyq Polısııa basqarmasynyń birinshi orynbasary polısııa maıory Maırıhov Daýren Myrzalıulyn jáne Jergilikti polısııa qyzmeti bóliminiń bastyǵy polısııa maıory Sagınbaev Bırjan Sagınbaıulyn, ýchaskelik polısııa ınspektorlary polısııa kapıtany Temir Jánibek О́mirbekulyn, polısııa maıory Abýbakırov Daýlet Bahytulyn IIM-niń tarapynan «Quqyq tártibin qamtamasyz etýge qosqan úlesi» medalimen  marapattaldy.
 
Elimizdegi indettiń aldyn alyp, halyqtyń qaýipsizdigin saqtap, tártippen zańdylyqty qamtamasyz etip qoımaı ózimizdiń tarapymyzdan ótkizilip jatqan «Taza qala» aksııasyn júrgizý barysynda 200 astam polısııa qyzmetkerleri erikti túrde qalanyń Aıbergenov kóshesinde ornalasqan  5 úıdiń, 8-shi móltek aýdanyndaǵy 3 úıdiń aýlalaryn tazartyp, oıyn alańyndaǵy qurylǵylardy syrlap, podezd aldyndaǵy otyrǵyshtardy qalypqa keltirý jumystary júrgizilip, sol aýladaǵy úılerde turatyn turǵyndardyń  alǵysyn  aldyq. Qazirgi kezde polısııa tarapynan 16 mamyrdan 16 maýsymǵa deıin «О́zimizdiń polıseı» atty is-shara júrgizilip jatyr. Is-sharanyń basty maqsaty – aımaqqa bekitilgen ár ýchaskelik polısııa qyzmetkerin jergilikti halyqpen tyǵyz baılanysta birlese qylmysqa, quqyq buzýshylyqqa qarsy tózbeýshilik tanytýy.
 
Bizdiń basty mindetimiz qylmyspen quqyq buzýshylyqtyń aldyn alýdaǵy adal jáne shynaıy jumys atqarý bolyp tabylady.
Sońǵy jańalyqtar

Eńsesi bıik elorda

Búgin, 06:51

Egemen eldiń ordasy

Elbasy • Búgin, 06:31

Kóshpeli mobıldi brıgada

Koronavırýs • Búgin, 06:28

6 myń adam qarjylaı kómek alady

Qoǵam • Búgin, 06:23

«Dombyra» oqý quraly jaryqqa shyqty

Rýhanııat • Búgin, 06:18

El birliginiń kepili

Elbasy • Búgin, 06:08

Negizsiz qymbattaýy retteledi

Prezıdent • Búgin, 06:05

Ýaqyttan ozǵan kóshbasshy

Elbasy • Búgin, 06:02

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Uqsas jańalyqtar