Áńgime barysynda taraptar COVID-19 pandemııasymen kúresý jónindegi elderdiń sharalaryn, sondaı-aq ekijaqty yntymaqtastyqtyń qazirgi jaı-kúıi men perspektıvalary, halyqaralyq arenadaǵy ózara is-qımyl máselelerin talqylady.
Taraptar pandemııa adamdardyń kúndelikti ómirin túbegeıli ózgertkenin jáne halyqaralyq qatynastardyń barlyq júıesine eleýli áser etip otyrǵanyn atap ótti.
Kanadalyq tarap Kanadanyń jáne Iаmaıkanyń bastamasymen ótkizilgen koronavırýs pandemııasy dáýirindegi turaqty damýdy qarjylandyrý jónindegi BUU-nyń joǵary deńgeıdegi is-sharasynda Prezıdent Q.Toqaevtyń mazmundy sóılegen sózine jáne elimizdiń qatysqany úshin alǵysyn bildirdi.
Kanada syrtqy saıası vedomstvosynyń basshysy Qazaqstannyń óńirdegi jetekshi rólin atap ótip, Ottavanyń Nur-Sultanmen syndarly jáne ózara tıimdi qarym-qatynasty odan ári damytýǵa daıyn ekendigin bildirdi.
M. Tileýberdi saıası dıalogty odan ári damytý qajettigin atap ótip, 2020 jyldyń aqpan aıynda Prezıdent Q.Toqaevtyń Kanadanyń Premer-mınıstri Dj.Trıýdomen Mıýnhende, sondaı-aq Kanadanyń General-gýbernatory J.Paıettiń 2018 jyly QR-na sapary ekijaqty yntymaqtastyqtyń damýyna serpin beretinin atap ótti.
Sonymen qatar, taraptar ekijaqty formatta da, halyqaralyq arenada da, sonyń ishinde ıadrolyq qarýdy taratpaý, ornyqty damý, azyq-túlik qaýipsizdigi jáne adam quqyqtary máseleleri boıynsha da ózara is-qımyldy odan ári jandandyrýdy qoldaıtyndaryn jetkizdi.
