Kókpekti aýdanynda qatty jeldiń áserinen birneshe aýyl jaryqsyz qaldy.
Daýyldan zardap shekken Kókpekti, Tassaı, Kókjaıyq jáne Úlgilimalshy aýyldarynda 8 áleýmettik nysannyń, 30-dan astam jeke turǵyn úıdiń shatyryn jel ushyryp ketti.
Bul týraly aýdan ákimi apparatynyń tótenshe jaǵdaılar jáne mobıldik daıyndyq bóliminiń basshysy Rasýl Sarmanov habarlady. Adam shyǵyndary men zardap shekkender joq. Qalpyna keltirý jumystary júrgizilýde.
Mamannyń málemeti boıynsha 2 maýsym saǵat 19.00-den 23.00-ke deıin jeldiń jyldamdyǵy sekýndyna 22 metrge jetken.
Kókpekti aýylyndaǵy Jaqııa Shaıjúnisov atyndaǵy orta mektep sport zalynyń, aýdandyq ortalyq aýrýhanynyń, Úlgilimalshy aýylyndaǵy Abaı atyndaǵy orta mektep qazandyǵynyń, Kókjaıyq aýylyndaǵy aýyldyq okrýg ákimshiligi ǵımaratynyń, «Bóbek Lúpili» balabaqshasynyń, «Elim-aı» sharýa qojalyǵy mal bordaqylaý alańynyń, Tassaı aýylyndaǵy Muhtar Áýezov atyndaǵy orta mektep jáne ınternat ǵımarattarynyń shatyryn jel ushyryp ketken.
Qazirgi ýaqytta Bıǵash, Úlgilimalshy, Uzynbulaq, Tassaı, Kókjaıyq, Kókpekti eldi mekenderinde avarııalyq ajyratý saldarynan myńǵa jýyq turǵyn jaryqsyz otyr. Avarııalyq brıgadalar úzdiksiz jumys isteýde.
Shyǵys Qazaqstan oblysy,
Kókpekti aýdany
