Taǵylymdy is-sharaǵa Memlekettik Eltańbanyń avtory, N.Gýmılev atyndaǵy EUÝ-dyń professory Jandarbek Málibekov, qoǵam qaıratkeri, Qazaqstan halqy Assambleıasynyń múshesi Zýlpa Chýmakova, qazaq kúresinen eki dúrkin Azııa chempıony, Álem kýbogynyń ıegeri Bekzat Ahmetbekov jáne quqyq, mádenıet, sport, bilim salalarynyń ókilderi, JOO rektorlary, «Astana», «Ortalyq» áserı qolbasshylyǵynyń qyzmetkerleri, jastar belsendileri, memlekettik mekeme basshylary, oblystyq Qazaqstan halqy Assambleıasynyń músheleri qatysty.
Qaraǵandy oblysynyń ákimi Jeńis Qasymbek qatysýshylardy Memlekettik rámizder kúnimen quttyqtady. «Elimizdiń basty sımvoldaryna degen qurmet laıyqty deńgeıde bolý kerek jáne onyń nasıhattalýynyń jetkilikti dárejede bolýy asa mańyzdy», dep atap ótti ol.
Jandarbek Málibekov Memlekettik rámizderdiń qabyldanýyna baılanysty tarıhı estelikterimen bólisti. Sonymen qatar, oblysymyzdyń ár óńirinen qatysýshylar Memlekettik rámizderimizdi nasıhattaý men patrıottyq tárbıeni qalyptastyrýdaǵy tájirıbelerimen bólisip, izgi tilekterin jetkizdi.
Is-shara barysynda óńirdiń joǵary jaýapkershilik jáne azamattyq ustanymdarymen tanylǵan birneshe azamatyna oblys ákiminiń «Alǵys haty» tabys etildi.
Memlekettik rámizder kúninde oblystyń barlyq eldi mekenderinde arnaıy is-sharalar uıymdastyrylyp, elimizdiń Ánuranyna, Eltańbasyna jáne Týyna qurmet kórsetildi. Atap aıtqanda, iri saýda ortalyqtarynda, qoǵamdyq oryndarda, memlekettik mekemelerde bir mezgilde ánuran áýelete shyrqaldy. Respýblıkalyq «Meniń týym» aksııasy aıasynda avto-moto sherýler uıymdastyryldy. Merekelik is-sharalar barysynda sanıtarlyq talaptardy qatań saqtaýǵa basa mán berildi.
Qaraǵandy oblysy
