Testileýdi oryndaıtyn operator retinde jeke zerthanalardyń bireýi taǵaıyndaldy.
Ekspress-testten ótý úshin cdl.kz saıtynda saýalnama toltyrý qajet. Densaýlyq saqtaý mınıstrliginiń epıdemıologtary epıdemılogııalyq ólshemder negizinde saýalnamalardy iriktep alady. Sodan keıin, baılanys-ortalyqtyń operatorlary pasıentpen baılanysyp ár pasıentke emshara kabınetine kelý ýaqytyn jeke taǵaıyndaıdy.
Qaýipsizdik sharalaryn saqtaý maqsatynda pasıent belgili erejelerdi saqtaýy tıis, olar:
- nátıjeni alý úshin elektrondyq poshtany kórsetý;
- qatań túrde kórsetilgen ýaqytta kelý;
- betperde kıip kelý;
- emshara kabıneti kelýshileriniń arasynda 1,5-2 metr araqashyqtyqty saqtaý.
Ekspress-testtileý koronavırýsqa degen ımmýndyq júıeniń áserin baǵalap, barmaqtan alynǵan qanda IgM jáne IgG klassty erekshe qarsy denelerdi anyqtaıdy.
- IgM qarsy deneler birinshi bolyp qalyptasady, indet juqqannan keıin 7-10 kún aralyǵynda paıda bolady.
- IgG qarsy deneler keıin qalyptasady, ol indetpen aýyrǵan ári oǵan qarsy qalyptasqan ımmýndyq jaýaptyń belgisi bolyp tabylady.
Ekspress-testileýdiń nátıjesi taldaý tapsyrǵannan keıin 15 mınýtta usynylyp, saýalnama toltyrǵan kezde kórsetken elektrondyq poshtaǵa jiberiledi.
Mańǵystaý oblysy
