Keshe «Nur Otan» partııasynyń Ortalyq apparatynda saılaýaldy tuǵyrnamanyń 2013 jylǵy birinshi jartyjyldyqta iske asyrylýy men aımaqtarda Saıası doktrına jobasyn talqylaý jumystaryn qorytyndylaǵan májilis ótti.
Májilisti ashqan partııa Tóraǵasynyń birinshi orynbasary BaýyrjanBaıbek: «Elbasynyń tapsyrmasy boıynsha bárimizde – úkimet músheleri, Saıasıkeńes, bıýro músheleri, bizdiń fraksııanyń depýtattary aımaqtarǵa shyǵyp, aýdandar men qalalarǵa baryp, jalpy jurtshylyqpen, partııalastarmen kezdesip, ol júzdesýlerde Saıası doktrınanyń jobasyn keńinen talqyladyq.
Keshe «Nur Otan» partııasynyń Ortalyq apparatynda saılaýaldy tuǵyrnamanyń 2013 jylǵy birinshi jartyjyldyqta iske asyrylýy men aımaqtarda Saıası doktrına jobasyn talqylaý jumystaryn qorytyndylaǵan májilis ótti.
Májilisti ashqan partııa Tóraǵasynyń birinshi orynbasary Baýyrjan Baıbek: «Elbasynyń tapsyrmasy boıynsha bárimizde – úkimet músheleri, Saıasıkeńes, bıýro músheleri, bizdiń fraksııanyń depýtattary aımaqtarǵa shyǵyp, aýdandar men qalalarǵa baryp, jalpy jurtshylyqpen, partııalastarmen kezdesip, ol júzdesýlerde Saıası doktrınanyń jobasyn keńinen talqyladyq. Endi alda partııa sezi kele jatyr, aımaqtarda konferensııalar ótip, sezge 1200 delegat saılandy. Astanada partııa forýmy eki kúnge jalǵasady. Ony partııa quryltaıy dep aıtýǵa bolady», deı kele, qaı kezde de sezde el úshin mańyzy bar sheshimder qabyldanatynyn atap kórsetti.
B.Baıbek Doktrına jobasy boıynsha partııa músheleri men kópshilikten túsken usynystardy da kókteı sholyp ótken. Máselen, jastarmen jumysty kúsheıtý, qazaq tilin damytýdy Doktrınada naqtylap aıtý, jalpyǵa ortaq eńbek qoǵamyn qurý, aımaqtardyń órkendeýi syndy qadaý-qadaý, barsha qazaqstandyqtar úshin mańyzy bar máseleler qamtylǵanyna toqtalǵan. Munan keıin Doktrına mátininiń qazaq tilindegi nusqasy boıynsha Saýytbek Abdrahmanov bastaǵan arnaıy jumys tobynyń ter tógip, ony aıaqtap shyqqanyn jetkizdi jáne partııa Jarǵysyna engiziletin ózgerister boıynsha da jumys toby eńbektengenin aıtyp, Premer-Mınıstrdiń birinshi orynbasary – О́ńirlik damý mınıstri Baqytjan Saǵyntaevqa sóz berdi.
Jınalǵandar nazaryn ózine aýdarǵan Baqytjan Ábdiruly 2011 jyly partııanyń 2017 jylǵa deıingi saılaýaldy tuǵyrnamasy ázirlengende Úkimetke birqatar mańyzdy ekonomıkalyq jáne áleýmettik mindetter qoıylǵanyn alǵa tartty. «Osy mindetterdiń sátti jáne júıeli oryndalýy úshin Úkimet partııamen birlesken tııanaqty jospar qabyldaǵan bolatyn jáne ol oryndalýda. Saılaýaldy tuǵyrnamany oryndaý boıynsha jumysty ortalyq jáne jergilikti atqarýshy organdardyń basshylary tikeleı basqarady jáne ol úshin jeke jaýap beredi. Jyl basynda Úkimettiń otyrysynda partııanyń saılaýaldy tuǵyrnamasyn júzege asyrýǵa baǵyttalǵan 360-tan astam is-sharany qamtıtyn jospary qaralǵan bolatyn. Al búgingi tańda jospardyń 68 is-sharasy júzege asty, 252-si júzege asyrylý ústinde, 27-niń iske asyrylatyn merzimi jetken joq, obektıvti sebeptermen 15-iniń merzimi keıinge shegerildi», degen ol partııa tuǵyrnamasyn júzege asyrýdyń arqasynda elimizde makroekonomıkalyq turaqtylyq ornaǵanyn, ekonomıkanyń ósý deńgeıiniń 5-8 paıyzdy quraǵanyn kóldeneń tartty jáne óńirlerdiń de bul turǵyda tabystary bar ekenin atap ótti. Tuǵyrnamada atqarylýǵa tıis degen mejelerdiń oryndalýynyń halyqtyń turmysyna tıgizgen oń áseri de sheshen nazarynan tys qalmady.
Kezdesý kezinde oǵan qatysýshy Úkimet músheleri, partııa kýratorlary – Parlament Májilisiniń depýtattary saılaýaldy tuǵyrnamanyń 2013 jylǵy birinshi jartyjyldyqta oryndalý barysyn talqyǵa saldy.
«Bizge sezd jobalaryn naqty iske asyrý baǵytynda sharalar baǵdarlamasyn daıyndaýdy qamtamasyz etýimiz kerek. Partııanyń saılaýaldy tuǵyrnamasynda berilgen ýádelerimizdiń oryndalý barysyn júıeli tekserý isterin qamtamasyz etý óte mańyzdy», degen Tóraǵanyń birinshi orynbasary Doktrına qabyldanǵannan keıin partııanyń barlyq strategııalyq jáne baǵdarlamalyq qujattarynyń «Qazaqstan-2050» Strategııasymen úılesýi qajettigine mán berdi.
Jınalǵandar saılaýaldy tuǵyrnamany iske asyrý sharalary jobasyna túzetýler engizý qajet dep taýyp, atap aıtqanda, onda ómir súrý sapasyn jaqsartýǵa baǵyttalǵan sharalar men ındıkatorlar qamtylýy tıis degen pikir bildirdi.
Partııanyń saılaýaldy tuǵyrnamasynyń túzetilgen jobasy 18 qazanda ótetin partııa seziniń Saıası bıýrosy májilisinde qaralatyn bolady.
Anar TО́LEÝHANQYZY,
«Egemen Qazaqstan».
