Aımaqtar • 04 Maýsym, 2020

Shymkenttegi Eltaı turǵyn alabynda úılerdiń qurylysy bastaldy

22 ret kórsetildi

Shymkent qalasyndaǵy Eltaı turǵyn alabynda tabıǵı apattyń saldarynan zaqymdanǵan 5 úıdiń irgetasy qalandy. Úılerdiń qurylysyn elimizdegi eń iri qurylys mekemesiniń biri bolyp tabylatyn «Bi Group» kompanııasy óz qarjysy esebinen júrgizetin bolady. Qazirgi tańda merdiger mekeme tarapynan qurylys-montaj jumystary bastaldy.

Búgin qala ákimi Murat Áıtenov Eltaıǵa arnaıy baryp, turǵyzylyp jatqan úılerdiń qurylysymen tanysty. Qala basshysy turǵyn úı qurylysyn salýda elimizde kósh bastap júrgen atalmysh qurylys mekemesine alǵysyn jetkizdi.

Osy aıdyń sońynda aıaqtalýy josparlanǵan úılerdiń ólshemi 11h11 metrdi quraıdy. Al aýmaǵy 112.36 sharshy metr. Sonymen qatar, qabyrǵasy gazabloktan, shatyry profnastılden bolady. Joba boıynsha ishki jáne syrtqy árleý jumystary da júrgiziledi.

Murat Dúısenbekuly sý basyp ótken aýlalar men kóshelerdi aralap kórip, ondaǵy turǵyndarmen kezdesti. О́z kezeginde ákim sý tasqynynan shyǵynǵa ushyraǵan turǵyndarǵa «Shymkent qaıyrymdy qala» áleýmettik qorynan tıisti kómek kórsetiletinin jáne barlyq qurylys jumystary aıaqtalǵan soń turǵyn alaptaǵy bas kóshege asfalt jol tóseletinin aıtyp ótti.

Kezdesý barysynda turǵyn Jańabaev Batyrhan qoldaý kórsetip jatqan barsha qyzmetkerlerge alǵysyn bildirip, kezinde demeýshiler esebinen salynǵan Toǵys ózeninen ótetin Eltaıdaǵy ekinshi kópirdi jóndep berýin surady. Osy rette, qala ákimi kópir salý boıynsha tıisti jumystar júrgiziletinin jáne qarjy bólý boıynsha máslıhatqa usynys hat engiziletinin jetkizdi.

Aralaý qorytyndysy boıynsha ákim tabıǵı apattyń aldyn alý jáne boldyrmaý maqsatynda sala jetekshilerine qashyrtqy kanaldar júıesi jobasyn ázirleýdi tapsyrdy.

Sońǵy jańalyqtar

Indetpen kúres jalǵasa beredi

Qoǵam • Búgin, 11:54

Uqsas jańalyqtar