Batys Qazaqstan oblysynda karantın rejimi toqtatylǵanymen, sanıtarlyq talaptardy qatań saqtaý qajettigi halyqqa qyzmet kórsetetin barlyq nysandarǵa eskertilgen bolatyn. О́ıtkeni óńirde indet áli órship tur. 4 maýsym kúni tańerteń jańadan taǵy 22 adam vırýs juqtyrǵany belgili boldy. Barlyǵy da Oral qalasy turǵyny. Osylaısha óńirde koronavırýsty juqtyrǵan adam sany 754-ke jetti.
О́ńirde sanıtarlyq-epıdemıologııalyq talaptardyń qatań saqtalýy qajettigin vedomstvoaralyq komıssııa otyrysynda Premer-Mınıstrdiń orynbasary Eraly Toǵjanov ta eskertken bolatyn.
«Jergilikti ákimdikter sanıtarlyq-epıdemıologııalyq talaptardyń saqtalýyn qatań qadaǵalaýy tıis. Eger bıznes nysandary ony saqtamaıtyn bolsa, ýaqytsha jaýyp, tártipti qalpyna keltirý qajet. Bul bizdiń azamattarymyzdyń qaýipsizdigi úshin kerek» degen edi Eraly Toǵjanov.
О́ńirde osy talaptardyń oryndalýyn baqylaý úshin Batys Qazaqstan oblysy taýarlar men kórsetiletin qyzmetterdiń sapasy men qaýipsizdigin baqylaý departamenti, Oral qalalyq basqarma qyzmetkerleri, qalalyq ákimdik mamandary jáne polısııa qyzmetkerlerinen quralǵan monıtorıngtik top nysandardyń karantın jaǵdaıynda sanıtarlyq talapqa saı jumys isteýin tekserip, kún saıyn reıd júrgizip keledi.
- Batys Qazaqstan oblysy Bas memlekettik sanıtarlyq dárigeriniń qaýlysy boıynsha, aýdany 2000 sharshymetrden asatyn saýda nysandarynda barlyq sanıtarlyq-epıdemıologııalyq talaptar jáne epıdemııaǵa qarsy is-sharalar saqtalýy tıis. Iаǵnı jeke qorǵaný quraldary – betperde, qolǵap, sanıtaızer, antıseptık sany jetkilikti bolýy, úı-jaıǵa dezınfeksııa jáne jeldetý júrgizilýi, keminde bir metr ara qashyqtyqty saqtaı otyryp 5 adamnan artyq kezektiń paıda bolýyna jol bermeýi tıis. Sondaı-aq kelýshilerdiń jaı-kúıine turaqty monıtorıng júrgizý úshin nysandardyń kire berisinde qashyqtyq termometrııa (qol teplovızory) bolýy tıis, - deıdi Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz hatshysy Ádemi Ǵıbratqyzy.
Al meıramhana-ashana sekildi qoǵamdyq tamaqtaný oryndarynda kelýshiler sany bir mezgilde 30 adamnan aspaýy, kelýshiler arasynda bir metr ara qashyqtyqty saqtaý, 5 adamnan artyq kezektiń paıda bolýyna jol bermeý, ústelderdiń arasyndaǵy qashyqtyq keminde 2 metr bolýy, bir ústel basynda otyrýshylar bir otbasyn qospaǵanda 4 adamnan aspaýy tıis degen syndy talaptar qadaǵalanýda.
Osyndaı tekserý barysynda Oral qalasyndaǵy keıbir nysandar kórsetilgen talaptardy oryndamaıtyndyǵy anyqtalǵan. Osylaısha, reıd barysynda betperde taqpaǵan jáne sanıtarlyq-dezınfeksııalyq rejım talaptaryn saqtamaǵan 1 dámhana jáne kelýshilerdiń jaı-kúıine turaqty monıtorıng júrgizý úshin qol teplovızoryn almaǵan, adamdardyń bir jerge kóp jınalýyna, kezekte araqashyqtyqtyń saqtalmaýyna, kelýshilerdiń betperdesiz kirýine jol bergen jáne qyzmet kórsetýshiniń ózderi de betperde taqpaǵan 2 saýda úıi ýaqytsha jabyldy. Oblys turǵyndarynyń súıikti demalys orny – ortalyq saıabaq ta ýaqytsha jabyq. Sondaı-aq qalalyq №3, 10, 35 baǵyttaǵy qoǵamdyq kólik marshrýty kemshilikterin joıǵansha jumysyn ýaqytsha toqtatty.
Batys Qazaqstan
