Árıne, namazdar elimizdiń bas sanıtar-dárigeriniń qaýlysy boıynsha, araqashyqtyqty saqtaı otyryp oqylady jáne meshittiń ishi 30%-ǵa ǵana toltyrylady. Al qalǵan adamdar meshit syrtynda qulshylyq jasaıdy. Bul týraly búgin О́ńirlik kommýnıkasııalar qyzmetinde Túrkistan oblysynyń bas ımamy Musabek Aqtamberdi málimdedi. Meshitter jalpy kópshilikke 2 kezeńmen ashylady. Birinshi - aýdan, qala, aýyldyq okrýgterdegi jamaǵaty kóp jınalatyn iri meshitter, sosyn barlyq aýyl-aımaqtyń meshitteri jappaı ashylatyn bolady.
«Karantın jaǵdaıynda meshit qyzmetkerleri men kelýshiler mindetti túrde betperde qoldanýy tıis. Barlyq meshitterdiń namaz oqıtyn, quran oqıtyn bólmeleri antıseptıkalyq quraldarmen qamtamasyz etiledi. Kelýshiler 1,5 metr araqashyqtyqty saqtaı otyryp jeke jáne jamaǵat namazdaryn oqıdy. Meshit dárethanalary qaýipsizdik maqsatynda karantın rejımi aıaqtalǵansha jabyq turady. Juma ýaǵyzy aıtylmaıdy. Juma namazynyń qutpasy men namazy 15 mınýttan asyrylmaıtyn bolady», dedi oblys ımamy.
Al Túrkistan qalasynyń bas ımamy Júsipbek Qasymbek oblys ortalyǵyndaǵy 30 meshittiń ázirge 17-i kópshilik úshin ashylatynyn málim etti.
Túrkistan oblysy
