Bilim • 05 Maýsym, 2020

Bilim qyzmetkerleri biligine saı ústemeaqy alady

328 ret kórsetildi

Bilim jáne ǵylym mınıstri Ashat Aımaǵambetov onlaın rejimde halyqqa esep berdi. Vedomstvo basshysy pedagog mártebesin kóterý – mınıstrliktiń aldyndaǵy mańyzdy mindetterdiń biri ekenin atap ótti. Sodan soń atqarylǵan ister men aldaǵy josparlarǵa kezeń-kezeńimen toqtaldy.

Mektepke deıingi tárbıe men oqytý. Mektepke deıingi bilim berýdiń qolje­tim­diligi artady. Memleket-jekemenshik seriktestigi arqyly 2019 jyly 500 bala­baqsha salyndy. Balalardyń qaýipsizdigin qamtamasyz etý úshin 7 myń 678 mektepke deıingi bilim berý uıymy (71,6%) ishki jáne syrtqy baqylaý kameralarymen jabdyqtalǵan. Bilim berý organdarynyń qatysýynsyz balabaqshalarǵa joldama berý rásimi avtomattandyryldy. Mektep pedagogterine ústemeaqy qosý tártibi endi mektepke deıingi uıym qyzmetkerlerine de engizildi.

Orta bilim berý. Bıyl 150 myńnan asa pedagog biliktilik sanattaryn rastap, 30-50%-ǵa deıin qosymsha aqy alyp jatyr. Mektep dırektorlarynyń jala­qysy ústemeaqy esebinen artady. Dı­rektorlardy jáne olardyń oryn­ba­sar­laryn attestattaýdan ótkizý ınstıtýty engiziledi, odan ótken basshylar ja­laqysyna 30-dan 100 paıyzǵa deıin qosymsha ústemeaqy alady. Sonymen qatar muǵalimder qaǵazbastylyqtan arylady, óıtkeni mınıstrlik bilim berý uıymdaryndaǵy qyzmetkerlerdiń júkte­mesine saı qandaı esep toltyratyny kór­setilgen buıryqty engizdi. UBT bıyl sanıtarlyq talaptar saqtalyp, dástúrli túrde ótedi. Talapker sátti tapsyrǵanda elektrondy sertıfıkat alady. Sondaı-aq osy jylǵy ózgeristerge saı talapkerlerge kalkýlıator qoldanýǵa ruqsat berilip otyr. Degenmen qurylǵynyń tek test tapsyrý ornynda berilgen qarapaıym túrin ǵana alyp kire alady.

Kásiptik-tehnıkalyq oqytý. Kol­ledj­derge akademııalyq erkindik beriledi. Tıptik oqý baǵdarlamasynyń mazmuny kásibı standartqa saı bolýy asa mańyz­dy. Bizde kóbine osy sáıkestik bolmaǵan­dyqtan túlekterimizdiń bilim-bilik daǵ­dylary naryqtaǵy jumys berýshini qa­naǵattandyrmaıdy. Sol sebepti mınıs­tr­­lik kásiptik-tehnıkalyq oqý oryn­dary­na akademııalyq erkindik berýdi qolǵa alyp otyr. «Barshaǵa arnalǵan tegin ká­sip­tik-tehnıkalyq bilim berý» jobasy­men 300 myń adam, dýaldy oqytý baǵ­dar­lama­sy­men 55 myń stýdent qamtylǵan. Bıyl­dan bas­tap kolledj oqytýshylary da bala­­baq­sha men mektep pedagogteri sekildi attes­­tat­taýdan biliktilik sanattaryn ıele­nip, soǵan saı paıyzdyq ústemeaqy ala alady.

Joǵary bilim. Memleket basshysy Q.Toqaevtyń Ulttyq qo­ǵam­­dyq senim keńe­siniń 3-otyrysyn­da ber­gen tapsyrma­syna sáıkes, JOO oqy­tý­shy­larynyń jalaqysy kóbeıedi. Prezıdent tapsyrma­symen bıyldan bastap grant quny kóte­ri­ledi. Onyń baǵasy 10 jyl boıy ózger­me­gen-di. Endi mınıstrlik oqy­tý­shylardyń jalaqysyn kóterýdi mem­lekettik JOO-larǵa mindettemek. So­nymen qatar vedomstvo bilim berý boıynsha sapaly qyzmet kórsetpeıtin joǵary oqý oryndaryn ońtaılandyrý boıynsha jumysty jalǵastyrady. Osyǵan deıin bir­neshe JOO-nyń jabylǵany já­ne bir­qa­tar ýnıversıtet ishinara ma­man­dyq­­tar­­dyń lısenzııasynan aıyrylǵany belgili.

Ǵylym. «Qazaqstan ǵylymy» biryńǵaı aqparattyq júıesi jasaqtalady. Onda ǵylymı qyzmetkerlerdiń derekter bazasy men ǵylymı dáıeksózdiń qazaqstandyq ındeksi usynylady. Júıede árbir otandyq ǵalymnyń óz jarııalanymdarynyń tizimi, aıaqtalǵan jáne iske asyryp jatqan zert­teýleriniń qysqasha sıpattamasy berilgen ózekti profaıly bolady. Sondaı-aq grant­tyń nemese baǵdarlamanyń maqsaty, qar­­jy­landyrý somasy, nátıjeleri, bas­tap­qy ótinim men esepterge ózgerister en­gizý kezeńderi kórsetilgen, memleket­ten qarjylandyrylǵan barlyq joba­nyń ashyq bazasy quryla bastady. Dokto­ran­týraǵa bólingen grant sany bıyl osyǵan deıingi rekordtyq kórsetkishke jetip, 2355-ti qurady.

Sońǵy jańalyqtar

Indetpen kúres jalǵasa beredi

Qoǵam • Búgin, 11:54

Atyraýǵa 470 túrli dári-dármek keldi

Aımaqtar • Búgin, 11:23

Búgin – Jalpyulttyq aza tutý kúni

Vıdeo • Búgin, 10:59

COVID-19-dan barlyǵy 375 adam qaıtys boldy

Koronavırýs • Búgin, 08:54

Shırek fınaldyń jerebesi tartyldy

Fýtbol • Búgin, 07:42

Alǵashqy qadam sátsiz bastaldy

Sport • Búgin, 07:38

Jaýapkershilik tanytaıyq

Pikir • Búgin, 07:35

Ekologııalyq bilim berý mańyzdy

Pikir • Búgin, 07:33

Tabıǵatty aıalaýǵa úıreteıik

Ekologııa • Búgin, 07:30

Otandyq óndiris kólemi artady

Medısına • Búgin, 07:19

Atyraýǵa jedel járdem kerek

Aımaqtar • Búgin, 07:13

«Bireýdiń kisisi ólse, qaraly ol»

Qoǵam • Búgin, 07:05

Jańa pán engizýdi quptaımyn

Pikir • Búgin, 07:05

Jahandyq IJО́ 5,5 paıyzǵa tómendeıdi

Ekonomıka • Búgin, 06:55

Qarǵa adym jer muń bolǵan...

Qoǵam • Búgin, 06:40

Aınalma jol azaptan qutqarady

Qoǵam • Búgin, 06:37

Aııa Sofııada azan shaqyrylady

Rýhanııat • Búgin, 06:35

Uqsas jańalyqtar